राहुल गांधींनी केंद्र सरकारकडे केल्या ‘या’ 5 प्रमुख मागण्या!

On: July 21, 2026 6:08 PM
Rahul Gandhi
---Advertisement---

Rahul Gandhi | दिल्ली येथे सुरू असलेल्या विद्यार्थी आंदोलनाच्या पार्श्वभूमीवर काँग्रेस आणि केंद्र सरकार यांच्यातील हालचालींना वेग आला आहे. लोकसभेतील विरोधी पक्षनेते राहुल गांधी (Rahul Gandhi) यांनी पंतप्रधान नरेंद्र मोदी (Narendra Modi) यांच्या निवासस्थानाबाहेर सुरू केलेल्या धरणे आंदोलनादरम्यान केंद्र सरकारपुढे पाच प्रमुख मागण्या मांडल्या आहेत. या मागण्यांवर चर्चा करण्यासाठी केंद्रीय मंत्री जितेंद्र सिंह (Jitendra Singh) यांनी राहुल गांधी यांची भेट घेतली असून त्यानंतर ते केंद्रीय गृहमंत्री अमित शाह (Amit Shah) यांची भेट घेण्यासाठी रवाना झाल्याची माहिती समोर आली आहे.

विद्यार्थी आंदोलनावर राहुल गांधींचा आक्रमक पवित्रा :

कॉकरोच जनता पार्टीच्या (Cockroach Janata Party) नेतृत्वाखाली सुरू असलेल्या आंदोलनात केंद्रीय शिक्षणमंत्री धर्मेंद्र प्रधान (Dharmendra Pradhan) यांच्या राजीनाम्याची मागणी सातत्याने केली जात आहे. पक्षाचे संस्थापक अभिजित दिपके (Abhijit Dipke) यांनी धर्मेंद्र प्रधान यांचा राजीनामा होईपर्यंत आंदोलन मागे घेणार नसल्याची भूमिका घेतली आहे. याच पार्श्वभूमीवर हजारो आंदोलक पुन्हा जंतर-मंतर (Jantar Mantar) येथे जमले आहेत. दुसरीकडे राहुल गांधी यांच्या नेतृत्वाखाली काँग्रेसच्या नेत्यांनी पंतप्रधानांच्या निवासस्थानाबाहेर ठिय्या आंदोलन सुरू ठेवले आहे.

राहुल गांधी यांनी आंदोलनादरम्यान सांगितले की, विद्यार्थ्यांच्या आंदोलनावर आणि त्यांच्यावर झालेल्या लाठीचार्जच्या घटनेवर संसदेत चर्चा होत नसल्यामुळे विरोधकांनी आंदोलनाचा मार्ग स्वीकारला आहे. मागील तीन तासांपासून सुरू असलेल्या या आंदोलनात सरकारविरोधात घोषणाबाजी करण्यात आली असून विद्यार्थ्यांच्या प्रश्नावर संसदेत चर्चा व्हावी, अशी मागणी त्यांनी पुन्हा एकदा केली.

Rahul Gandhi | जितेंद्र सिंहांकडे पाच मागण्या :

राहुल गांधी यांच्या आंदोलनाची दखल घेत केंद्र सरकारने केंद्रीय मंत्री जितेंद्र सिंह यांना आंदोलनस्थळी पाठवले. त्यांनी राहुल गांधी यांच्याशी चर्चा करून त्यांच्या मागण्या जाणून घेतल्या. मिळालेल्या माहितीनुसार, राहुल गांधी यांनी केंद्र सरकारपुढे पाच प्रमुख मागण्या ठेवल्या. त्यामध्ये केंद्रीय शिक्षणमंत्री धर्मेंद्र प्रधान यांनी राजीनामा द्यावा, ही सर्वात महत्त्वाची मागणी असल्याचे सांगितले जात आहे.

याशिवाय केंद्रीय गृहमंत्री अमित शाह यांनी विद्यार्थी आंदोलनासंदर्भात संसदेत निवेदन करावे आणि नीट (NEET) पेपर लीक प्रकरणाची सखोल चौकशी करण्यात यावी, अशाही मागण्या त्यांनी मांडल्या आहेत. राहुल गांधी यांच्याशी झालेल्या चर्चेनंतर जितेंद्र सिंह हे अमित शाह यांची भेट घेण्यासाठी रवाना झाले असून या मागण्यांवर केंद्र सरकार कोणता निर्णय घेते, याकडे आता सर्वांचे लक्ष लागले आहे.

News Title: Rahul Gandhi Five Demands On Central Goverment

Sonal.K

Sonal Kothimbire

Join WhatsApp Group

Join Now