प्रधानांचा राजीनामाच हवाचं! राहुल गांधींची ठाम भूमिका

On: July 25, 2026 12:42 PM
Rahul Gandhi
---Advertisement---

Rahul Gandhi | दिल्ली येथे सुरू असलेल्या विद्यार्थ्यांच्या आंदोलनाला भेट दिल्यानंतर लोकसभेतील विरोधी पक्षनेते राहुल गांधी (Rahul Gandhi) यांनी केंद्र सरकारवर जोरदार टीका केली. केंद्रीय शिक्षण मंत्री धर्मेंद्र प्रधान (Dharmendra Pradhan) यांचा केवळ खातेबदल नव्हे, तर थेट राजीनामा झाला पाहिजे, अशी स्पष्ट भूमिका त्यांनी मांडली. तसेच विद्यार्थ्यांच्या प्रमुख मागण्यांवर कोणतीही तडजोड स्वीकारली जाणार नसल्याचेही त्यांनी सांगितले.

विद्यार्थ्यांच्या मागण्यांवर राहुल गांधी ठाम :

दिल्लीत उपोषण करणाऱ्या विद्यार्थ्यांची भेट घेतल्यानंतर राहुल गांधी यांनी पत्रकार परिषदेत आंदोलनाबाबत आपली भूमिका स्पष्ट केली. विद्यार्थ्यांशी झालेल्या चर्चेचा उल्लेख करत त्यांनी राष्ट्रीय स्वयंसेवक संघ (RSS) वर शिक्षण व्यवस्थेवर नियंत्रण मिळवल्याचा आरोप केला. देशभरातील विद्यार्थ्यांच्या तीन प्रमुख मागण्या अत्यंत महत्त्वाच्या असून त्या पूर्ण होईपर्यंत आंदोलन मागे घेण्याचा प्रश्नच उद्भवत नाही, असे ते म्हणाले.

राहुल गांधी यांनी केंद्रीय शिक्षण मंत्री धर्मेंद्र प्रधान यांच्या कार्यपद्धतीवरही टीका केली. त्यांच्या मते, प्रधान हे भ्रष्ट आणि अकार्यक्षम असून त्यांना पदावरून हटविणे आवश्यक आहे. सरकारमध्ये त्यांच्या खातेबदलाबाबत चर्चा सुरू असल्याची माहिती मिळत असल्याचा दावा त्यांनी केला. मात्र, केवळ दुसरे मंत्रालय देऊन हा विषय संपणार नाही, विद्यार्थ्यांची मागणी थेट राजीनाम्याचीच आहे आणि ती बदलली जाणार नाही, असे त्यांनी ठामपणे सांगितले.

Rahul Gandhi | पंतप्रधानांनी माफी मागावी, संसदेत चर्चा व्हावी :

राहुल गांधी यांनी आंदोलनादरम्यान विद्यार्थ्यांवर झालेल्या कारवाईबाबतही गंभीर प्रश्न उपस्थित केले. एका विद्यार्थ्याला गोळी लागल्याचा तसेच लाठीचार्जमध्ये हजारो विद्यार्थ्यांना दुखापत झाल्याचा दावा त्यांनी केला. अनेक विद्यार्थ्यांच्या शरीरात पॅलेट असल्याचे सांगत या घटनेला जबाबदार असलेल्या व्यक्तींवर कठोर कारवाई करण्याची मागणी त्यांनी केली. या संपूर्ण प्रकरणाबद्दल पंतप्रधान नरेंद्र मोदी (Narendra Modi) यांनी देशाची माफी मागावी, अशीही त्यांनी मागणी केली.

याच आठवड्यात राहुल गांधी यांनी प्रियंका गांधी (Priyanka Gandhi) यांच्यासह पंतप्रधानांच्या निवासस्थानाबाहेर जवळपास तीन तास आंदोलन केले होते. त्यानंतर पोलिसांनी त्यांना ताब्यात घेतले होते. शिक्षण व्यवस्था कमकुवत होत असून शिक्षणाचा खर्च सातत्याने वाढत असल्यामुळे सामान्य कुटुंबांवर आर्थिक भार पडत असल्याचे त्यांनी नमूद केले. या संपूर्ण विषयावर संसदेत सविस्तर चर्चा व्हावी आणि आंदोलनकर्त्यांवर लाठीचार्ज करणाऱ्या पोलिसांवरही योग्य ती कारवाई करण्यात यावी, अशी मागणी राहुल गांधी यांनी पुन्हा केली.

News Title: Rahul Gandhi Demands Pradhan Resignation

Sonal.K

Sonal Kothimbire

Join WhatsApp Group

Join Now