Rahul Dravid | आयपीएलच्या अठराव्या हंगामात राजस्थान रॉयल्स (Rajasthan Royals) संघाची सुरुवात निराशाजनक ठरली आहे. सलग दोन पराभवांच्या पार्श्वभूमीवर संघाचे मुख्य प्रशिक्षक राहुल द्रविड (Rahul Dravid) यांचा व्हिलचेअरवरील फोटो सोशल मीडियावर व्हायरल झाला आहे. या फोटोमधील त्यांची हताश नजर आणि प्लास्टर केलेला पाय पाहून क्रिकेटप्रेमी भावूक झाले आहेत.
सलग पराभव आणि खराब नेट रनरेट
राजस्थान रॉयल्सला पहिल्या दोन सामन्यांमध्ये पराभवाचा सामना करावा लागल्यामुळे संघ IPL गुणतालिकेत सर्वात तळात पोहोचला आहे. बुधवारी कोलकाता नाईट रायडर्सकडून झालेल्या लढतीतही त्यांना पराभव पत्करावा लागला. सध्या संघाचा नेट रनरेट -1.882 इतका खराब असून, ही आकडेवारी त्यांच्या खेळातील संघर्ष स्पष्ट दर्शवते.
अशात द्रविड यांचा व्हिलचेअरवरील फोटो समोर आला असून, त्यांच्या पायाला प्लास्टर आणि चेहऱ्यावरची चिंता चाहत्यांच्या मनाला चटका लावणारी आहे. मैदानात संयम व शिस्तीचा प्रतीक मानला जाणारा ‘द वॉल’ अशी ओळख असलेले राहुल द्रविड आता प्रशिक्षकाच्या भूमिकेतून संघाच्या लढाईत मार्गदर्शक ठरत आहेत.
सोशल मीडियावर भावनांचा उद्रेक
हा फोटो व्हायरल होताच ट्विटर, फेसबुक, इंस्टाग्रामसह अनेक सोशल प्लॅटफॉर्मवर चाहत्यांनी द्रविडप्रती आपली सहानुभूती व्यक्त केली आहे. “द वॉल अजूनही लढतोय”, “द्रविडसारखा योद्धा कधी हार मानत नाही”, अशा कमेंट्सनी सोशल मीडियावर ओघ वाढला आहे.
आता राजस्थान संघ पुन्हा उभा राहत पुढील सामने कसे खेळतो, याकडे चाहत्यांचे लक्ष लागले आहे. आणि त्याहीपेक्षा, त्यांच्या मार्गदर्शकाच्या प्रकृतीत लवकर सुधारणा व्हावी, अशी प्रार्थना अनेकजण करत आहेत.
Heartbreaking to see a legend in disappointment, but Rahul Dravid’s dedication is truly unbelievable! ????????[Sportskeeda] #RahulDravid #IPL2025 #RRvKKR pic.twitter.com/29P4vpCbSs
— RANJAY RAJ ANUGRAH (@RAnugrah707) March 26, 2025
Title : Rahul Dravid on Wheelchair After RR’s Consecutive Losses
