PBKS vs GT | इंडियन प्रीमियर लीगच्या नव्या मोसमाची रंगत वाढत असताना आजच्या सामन्यात पंजाब किंग्स आणि गुजरात टायटन्स हे दोन मजबूत संघ आमनेसामने येणार आहेत. IPL 2026 च्या 19 व्या हंगामातील हा चौथा सामना असून दोन्ही संघांचा या मोसमातील हा पहिलाच सामना असणार आहे. त्यामुळे विजयी सुरुवात करण्यासाठी दोन्ही संघ मैदानात पूर्ण ताकदीने उतरतील.
या सामन्यात पंजाब किंग्सची धुरा श्रेयस अय्यर सांभाळत आहे, तर गुजरात टायटन्सचे नेतृत्व शुभमन गिल करत आहे. दोन्ही संघांनी पहिल्या सामन्यापूर्वी जोरदार सराव केला असून चाहत्यांना एक रोमांचक सामना पाहायला मिळण्याची शक्यता आहे.
सामना कधी आणि कुठे? :
पंजाब किंग्स विरुद्ध गुजरात टायटन्स हा सामना 31 मार्च रोजी न्यू चंदीगडमधील महाराजा यादवीन्द्र सिंग इंटरनॅशनल क्रिकेट स्टेडियम, मुल्लानपूर येथे खेळवला जाणार आहे. सामन्याला संध्याकाळी 7:30 वाजता सुरुवात होईल, तर टॉस 7 वाजता होणार आहे. (PBKS vs GT)
हा सामना टीव्हीवर स्टार स्पोर्ट्स नेटवर्कवरील विविध चॅनेल्सवर थेट प्रसारित केला जाणार आहे. तसेच मोबाईलवर चाहत्यांना JioHotstar या ॲपवरून लाईव्ह स्ट्रिमिंगद्वारे सामना पाहता येईल.
PBKS vs GT | हेड टू हेड आकडेवारी :
आयपीएलच्या इतिहासात पंजाब किंग्स आणि गुजरात टायटन्स यांच्यात आतापर्यंत एकूण 6 सामने खेळवण्यात आले आहेत. यामध्ये दोन्ही संघांनी प्रत्येकी 3 सामने जिंकले आहेत. त्यामुळे दोन्ही संघांची कामगिरी समान असल्याने आजचा सामना अत्यंत रोमांचक होण्याची शक्यता आहे.
मागील मोसमातील एका हायस्कोअरिंग सामन्यात पंजाब किंग्सने गुजरातसमोर 244 धावांचे मोठे लक्ष्य ठेवले होते. त्यावेळी गुजरात टायटन्सने जोरदार प्रयत्न केला होता, मात्र त्यांना 20 ओव्हरमध्ये 232 धावांपर्यंतच मजल मारता आली होती आणि पंजाबने सामना जिंकला होता.
आजच्या सामन्यात दोन्ही संघ विजयी सुरुवात करण्यासाठी सज्ज आहेत. त्यामुळे क्रिकेट चाहत्यांना आयपीएलमधील आणखी एक थरारक सामना पाहायला मिळण्याची शक्यता आहे.
