Income Tax Rules 2026 | नवीन आर्थिक वर्ष सुरू होताच पगारदार कर्मचाऱ्यांसाठी महत्त्वाचे बदल लागू होणार आहेत. 1 एप्रिल 2026 पासून Income Tax Act 2025 आणि Income Tax Rules 2026 लागू होणार आहेत. या बदलांमुळे कर्मचाऱ्यांच्या पगाराच्या रचनेत काही प्रमाणात बदल होऊ शकतो. त्यामुळे PF, ग्रॅच्युइटी आणि टेक-होम सॅलरीवर परिणाम होण्याची शक्यता व्यक्त केली जात आहे.
नवीन नियम लागू झाल्यानंतर अनेक कंपन्या कर्मचाऱ्यांच्या वेतन संरचनेत बदल करू शकतात. जरी एकूण CTC (Cost to Company) समान राहिली तरी पगारातील विविध घटकांचे प्रमाण बदलू शकते. त्यामुळे काही कर्मचाऱ्यांच्या हातात मिळणाऱ्या पगारावर परिणाम होण्याची शक्यता आहे.
पगाराच्या रचनेत होणार बदल :
नवीन नियमांनुसार वेतनातील भत्ते, प्रतिपूर्ती आणि नियोक्त्याकडून दिल्या जाणाऱ्या सुविधांचे मूल्यांकन अधिक स्पष्ट करण्यात आले आहे. पूर्वी काही भत्त्यांचे करपात्र मूल्य स्पष्ट नसल्याने कंपन्यांना पगाराचे पॅकेज तयार करण्यात लवचिकता मिळत होती. (Income Tax Rules 2026)
आता मात्र अनेक भत्त्यांना स्पष्ट करपात्र मूल्य देण्यात आले आहे. त्यामुळे कंपन्यांना पगाराचे घटक पुन्हा मांडावे लागू शकतात. यामुळे जरी एकूण पगार समान राहिला तरी बेसिक पगार, भत्ते आणि करपात्र रकमेचे प्रमाण बदलू शकते.
Income Tax Rules 2026 | PF आणि ग्रॅच्युइटी वाढण्याची शक्यता :
नवीन Indian Labour Codes नुसार कर्मचाऱ्यांचा बेसिक पगार एकूण CTC च्या किमान 50 टक्के असणे आवश्यक आहे. त्यामुळे अनेक कंपन्यांना पगाराच्या रचनेत बदल करावा लागणार आहे.
याचा परिणाम असा होऊ शकतो की बेसिक पगार वाढल्यामुळे Employees’ Provident Fund (PF) आणि ग्रॅच्युइटीमध्ये कर्मचाऱ्यांचे योगदान वाढू शकते. परिणामी टेक-होम सॅलरी काही प्रमाणात कमी होण्याची शक्यता आहे. (Income Tax Rules 2026)
काही भत्ते आता करपात्र :
नवीन नियमांनुसार नियोक्त्याकडून दिल्या जाणाऱ्या अनेक सुविधांवर कर आकारणी स्पष्ट करण्यात आली आहे. उदाहरणार्थ, कंपनीकडून दिलेली निवास व्यवस्था, ऑफिसची कार वैयक्तिक वापरासाठी वापरणे, घरगुती नोकर, वीज-पाणी बिल किंवा मुलांच्या शिक्षणासाठी दिलेली मदत यांसारख्या सुविधा ठरावीक मर्यादेपेक्षा जास्त असल्यास करपात्र मानल्या जाऊ शकतात. (Salary Structure Change India)
तसेच कंपनीकडून दिलेल्या भेटवस्तू, क्लब सदस्यत्व, सशुल्क सुट्ट्या किंवा कंपनी क्रेडिट कार्डवर केलेला वैयक्तिक खर्च देखील करपात्र उत्पन्नात समाविष्ट केला जाऊ शकतो.
