मोठी बातमी! महिलांसाठी असलेली ‘ही’ योजना होणार बंद, कारण…

On: March 17, 2025 2:17 PM
MSSC scheme to End in 2025 
---Advertisement---

MSSC scheme | महिलांसाठी आर्थिक स्थैर्य आणि सुरक्षित बचतीच्या उद्देशाने केंद्र सरकारने सुरू केलेली महिला सम्मान सेविंग्स सर्टिफिकेट (MSSC scheme) योजना 31 मार्च 2025 नंतर बंद होण्याची शक्यता आहे. दोन वर्षांच्या मुदतीसह ही योजना महिलांसाठी मोठी संधी ठरली आहे. मात्र, सरकारकडून या योजनेत मुदतवाढ देण्यात येईल की नाही, याबाबत कोणतीही अधिकृत घोषणा झालेली नाही. त्यामुळे इच्छुक महिलांनी 31 मार्चपूर्वी गुंतवणूक करणे महत्त्वाचे आहे.

महिला सम्मान सेविंग्स सर्टिफिकेट योजना म्हणजे काय?

ही एक विशेष मुदत ठेव योजना आहे, जिथे महिला आणि मुलींना बचतीची संधी दिली जाते. या योजनेत वार्षिक 7.5% व्याजदर मिळतो आणि ठेवीवर प्रत्येक तिमाहीला व्याज जमा होते. मुदतपूर्तीच्या (Maturity) वेळी गुंतवलेली रक्कम आणि व्याज एकत्र परत मिळते. कमी जोखमीच्या आणि स्थिर परताव्याच्या पर्यायांपैकी ही एक आहे, त्यामुळे अनेक महिलांनी यात गुंतवणूक करण्यास प्राधान्य दिले आहे.

योजनेसाठी अर्ज करण्याची प्रक्रिया?

या योजनेसाठी कोणतीही महिला किंवा मुलगी अर्ज करू शकते. अल्पवयीन मुलीसाठी तिचे पालक किंवा कायदेशीर संरक्षक खाते उघडू शकतात. अर्ज करण्यासाठी जवळच्या बँक शाखा किंवा पोस्ट ऑफिसमध्ये जाऊन अर्ज भरावा लागतो. अर्जासोबत खालील कागदपत्रे जमा करावी लागतात:

  • आधार कार्ड
  • पॅन कार्ड
  • पत्त्याचा पुरावा (विज बिल, पासपोर्ट इत्यादी)
  • पासपोर्ट साइज फोटो

गुंतवणुकीची मर्यादा आणि पैसे कधी काढता येतील?

या योजनेत किमान ₹1,000 आणि जास्तीत जास्त ₹2 लाख पर्यंत गुंतवणूक करता येते. रक्कम ₹100 च्या पटीत जमा करता येते. गुंतवलेली रक्कम दोन वर्षांसाठी लॉक-इन असते, मात्र 40% रक्कम एका वर्षानंतर काढण्याची सुविधा उपलब्ध आहे. उर्वरित संपूर्ण रक्कम मुदतपूर्तीच्या वेळी मिळेल.

Title : MSSC scheme to End in 2025 

 

Join WhatsApp Group

Join Now