Mahashivratri 2025 | दरवर्षी महाशिवरात्रीचा (Mahashivratri) उत्सव साजरा केला जातो. महाशिवरात्री (Mahashivratri) हा हिंदू धर्मातील प्रमुख सणांपैकी एक आहे. यावर्षी महाशिवरात्री 26 फेब्रुवारीला साजरी केली जाणार आहे. याच दिवशी महाशिवरात्रीचे व्रत केले जाईल.
महाशिवरात्रीला भगवान शिवाची (Lord Shiva) पूजा केली जाते आणि त्यांना फुले, बेलपत्र आणि माळा अर्पण केल्या जातात. पण, असे एक फूल आहे जे भगवान शिवाला अर्पण करण्यास मनाई आहे, ते म्हणजे केतकीचे फूल.
केतकीचे फूल भगवान शिवला (Lord Shiva) का अर्पण करू नये?
भगवान शिव (Lord Shiva) आणि केतकीच्या (Ketaki) फुलाची ही कथा त्रेता युगातील आहे. या कथेचा उल्लेख शिव पुराणात (Shiva Purana) आढळतो. कथेनुसार, एकदा ब्रह्मा (Brahma) आणि विष्णू (Vishnu) यांच्यात श्रेष्ठ कोण, यावरून वाद झाला. दोघेही हा वाद सोडवण्यासाठी भगवान शिवाकडे (Lord Shiva) गेले. तेव्हा भगवान शिव ज्योतिर्लिंगाच्या रूपात प्रकट झाले. महादेवांनी ब्रह्मा (Brahma) आणि विष्णूंना (Vishnu) सांगितले की, तुमच्यापैकी जो या ज्योतिर्लिंगाचा आरंभ आणि शेवट शोधेल, तोच श्रेष्ठ मानला जाईल.
त्यानंतर विष्णू (Vishnu) वराह रूपात आणि ब्रह्मा (Brahma) हंस रूपात ज्योतिर्लिंगाचा आरंभ आणि शेवट शोधण्यासाठी निघाले. विष्णू (Vishnu) वराह रूपात पृथ्वीच्या गर्भात गेले, तर ब्रह्माजींनी (Brahma) हंस रूपात आकाशातून ज्योतिर्लिंगाचा आरंभ आणि शेवट शोधण्याचा प्रयत्न केला. शेवटी, विष्णूंनी (Vishnu) महादेवाला सांगितले की त्यांना ज्योतिर्लिंगाचा आरंभ सापडला नाही. दुसरीकडे, ब्रह्माजींनाही (Brahma) ज्योतिर्लिंगाचा शेवट सापडला नाही, पण त्यांनी केतकीच्या (Ketaki) फुलाला साक्षीदार बनवून भगवान शिवापुढे (Lord Shiva) खोटे सांगितले की त्यांनी ज्योतिर्लिंगाचा शेवट शोधला आहे.
भगवान भोलेनाथ (Lord Shiva) सत्य जाणत होते. केतकीच्या (Ketaki) फुलाने ब्रह्माजींच्या (Brahma) बाजूने खोटे बोलल्यामुळे त्यांना खूप राग आला. क्रोधात भगवान शिवाने (Lord Shiva) केतकीच्या फुलाला शाप दिला की, यापुढे त्याचा उपयोग त्यांच्या पूजेत कधीही केला जाणार नाही. इतकेच नाही, तर भगवान शिवाने (Lord Shiva) ब्रह्माजींनाही (Brahma) शाप दिला की त्यांची पूजा कधीही केली जाणार नाही.
टीप: या लेखात दिलेली माहिती धार्मिक श्रद्धांवर आधारित आहे. याची कोणतीही पुष्टी केली जात नाही.
Title : Mahashivratri 2025 Why Ketaki Flower is Not Offered to Lord Shiva
