लॉरेन्स बिश्नोईला विधानसभा लढण्याची ऑफर; कोणी दिली ऑफर?

On: October 22, 2024 4:11 PM

---Advertisement---

Lawrence Bishnoi l गेल्या काही दिवसांपूर्वी राष्ट्रवादीचे नेते बाबा सिद्धिकी यांची हत्या करण्यात आली आहे. या हत्येमागे लॉरेन्स बिश्नोई गँगचा हात असल्याचं उघडकीस झालं आहे. मात्र बाबा सिद्दीकी यांच्या हत्येनंतर अभिनेता सलमान खानला लॉरेन्स बिश्नोई गॅंगने धमकी दिली आहे. त्यामुळे आता लॉरेन्स बिश्नोईचं नाव प्रचंड चर्चेत आहे. मात्र आता लॉरेन्स बिश्नोईला महाराष्ट्र विधानसभा निवडणूक लढवण्याची ऑफर आली आहे.

बिश्नोईला झिशान सिद्दीकी विरोधात विधानसभा लढण्याची ऑफर :

बाबा सिद्धी यांच्या हत्येनंतर वांद्रे पूर्व विधानसभा मधून आमदार झिशान सिद्दीकी विरोधात लढवण्यासाठी उत्तर भारतीय विकास सेनेकडून लॉरेन्स बिश्नोईला थेट ऑफर आली आहे. बाबा सिद्दिकी यांच्या हत्या प्रकरणी लॉरेन्स बिश्नोईच्या काही शूटरला मुंबई पोलिसांनी अटक देखील केली आहे. याशिवाय बॉलिवूड अभिनेता सलमान खान यांना जीवे मारण्याची लॉरेन्स बिश्नोईकडून अनेक वेळा धमकी देखील आली आहे.

मात्र आता बाबा सिद्दिकी यांनी अंधेरी पश्चिम येथील गिल्बर्ट हिल येथील एका प्रकल्पातील तब्बल 623 गरीब लोकांना बेघर केल्याचा आरोप पंडित सुनील शुक्ला यांनी केला आहे. तसेच यासंदर्भात कोर्टात री पिटीशन सुद्धा दाखल केली आहे.

Lawrence Bishnoi l लॉरेन्स बिश्नोईला कोणी ऑफर दिली? :

परंतु आता लॉरेन्स बिश्नोईला विधानसभेची ऑफर देणारा उत्तर भारतीय विकास सेना हा पक्ष निवडणूक आयोग आणि महाराष्ट्र राज्य निवडणूक आयोगात नोंदणीकृत पक्ष आहे. उत्तर भारतीय विकास सेनेचे राष्ट्रीय अध्यक्ष सुनील शुक्ला यांनी लॉरेन्स बिश्नोईला पत्र लिहून निवडणूक लढवण्याची मागणी देखील केली आहे.

याशिवाय बाबा सिद्दीकी हे देशभक्त नाहीत तर लॉरेन्स बिश्नोई हे देशभक्त आहेत. तर लॉरेन्स बिश्नोई हा उत्तर भारतीय समाजाचा आहे. त्यामुळे आम्हाला बिश्नोईमध्ये शहीद भगत सिंग दिसतो. त्यामुळे लॉरेन्स बिश्नोईने निवडणूक लढवण्यासंदर्भात विचार करावा अशी विनंती त्यांनी केली आहे.