Ketan Agrawal Death | केतन अग्रवाल (Ketan Agrawal) हत्या प्रकरणाचा तपास जसजसा पुढे सरकत आहे, तसतसे या प्रकरणातील भयानक वास्तव समोर येत आहे. पोलीस कोठडीत असलेल्या आरोपींची चौकशी सुरू असतानाच, आता मयत केतनचे वडील विशाल अग्रवाल (Vishal Agarwal) यांनी केतनचा मृतदेह घरी आणल्यानंतर काय घडले आणि आरोपींनी यापूर्वी कधी-कधी हत्येचा प्रयत्न केला होता, याबद्दल आणखी काही धक्कादायक खुलासे केले आहेत.
मृतदेह घरी आणताच सियाची संशयास्पद आणि निर्विकार वागणूक
विशाल अग्रवाल यांनी दिलेल्या माहितीनुसार, १८ जून रोजी लोहगड किल्ल्यावर केतनचा मृत्यू झाल्यानंतर जेव्हा पोलीस त्याचा मृतदेह घेऊन घरी आले, तेव्हा केतनची भावी पत्नी सिया गोयल (Siya Goyal) हिची वागणूक अत्यंत संशयास्पद होती.
कोणतीही भावनिक प्रतिक्रिया नाही: आपल्या होणाऱ्या पतीचा इतका मोठा अपघात झाला असूनही सियाच्या चेहऱ्यावर किंवा वागण्यात कोणतेही दु:ख दिसत नव्हते. तिची कोणतीही प्रतिक्रिया (Reaction) नव्हती.
कुटुंबियांचा संशय: सियाचे हे निर्विकार वागणे त्यावेळी अग्रवाल कुटुंबाला खूप खटकले होते, परंतु दु:खा डोंगरामुळे त्यांनी सुरुवातीला या गोष्टीकडे फारसे गांभीर्यपूर्वक लक्ष दिले नाही.
प्रेमसंबंधांचा कालावधी: सिया गोयल हिचे चेतन बाबूलाल चौधरी (Chetan Babulal Choudhary) याच्यासोबत मागील वर्षाच्या नोव्हेंबर महिन्यापासून प्रेमसंबंध सुरू होते आणि त्यातूनच त्यांनी केतनचा काटा काढण्याचे ठरवले.
हत्येचा आधीचा कट: ‘बाली’ ते ‘१४ जून’चा फसलेला प्रयत्न
केतनच्या वडिलांनी केलेल्या दाव्यानुसार, १८ जून रोजी लोहगड किल्ल्यावरून ढकलून देण्यापूर्वी आरोपींनी केतनला मारण्याचे आणखी दोन वेळा प्रयत्न केले होते, जे अपयशी ठरले:
बाली येथील पहिला बेत (Bali Plan): आरोपींनी सर्वात आधी केतनला इंडोनेशियातील ‘बाली’ येथे संपवण्याचा प्लॅन आखला होता, मात्र तिथे त्यांचा हा बेत काही कारणांमुळे फसला.
१४ जूनचा लोहगडचा प्रयत्न: बालीचा बेत फसल्यानंतर, सियाने अवघ्या काही दिवसांपूर्वी म्हणजेच १४ जून रोजी देखील केतनला लोहगड किल्ल्यावर नेले होते. मात्र, त्या दिवशी किल्ल्यावर अनुकूल परिस्थिती न मिळाल्यामुळे किंवा पुरेशी हिंमत न झाल्यामुळे त्यांचा हा कट पूर्ण होऊ शकला नाही.
वाढदिवसाच्या बहाण्याने १८ जून रोजी अंमलब्यावणी
१९ जून रोजी दोन्ही कुटुंबांनी मिळून सियाचा वाढदिवस मोठ्या उत्साहात साजरा करण्याचे आधीच ठरवले होते. मात्र, आपल्यापूर्वनियोजित कटानुसार सियाने केतनकडे वाढदिवसाच्या एक दिवस आधी म्हणजेच १८ जून रोजीच लोहगड किल्ल्यावर ट्रेकिंगसाठी जाण्याचा हट्ट धरला.
त्यांच्या प्लॅननुसार, तिचा प्रियकर चेतन चौधरी हा आधीच लोहगड किल्ल्यावर जाऊन दबा धरून बसला होता. केतन पुढे चालत असताना चेतन पाठीमागून आला आणि सिया व चेतन या दोघांनी मिळून केतनला ४०० फूट खोल दरीत ढकलून दिले. हा केवळ एक अपघात आहे असे दाखवण्याचा आरोपींचा प्रयत्न होता, मात्र पोलिसांनी तांत्रिक पुराव्यांच्या आधारे हा संपूर्ण बनाव उधळून लावला आहे.
News Title: Ketan Agrawal Death case update Siya Goyal Reaction after body arrived home
