Jayant Patil Resign | महाराष्ट्राच्या राजकारणात आज एक मोठी उलथापालथ झाली आहे. राष्ट्रवादी काँग्रेस – शरद पवार गटाचे ज्येष्ठ नेते जयंत पाटील (Jayant patil) यांनी प्रदेशाध्यक्ष पदाचा राजीनामा दिला आहे. त्यांच्या जागी शशिकांत शिंदे यांची नियुक्ती करण्यात आली असून, अधिकृत घोषणाही पक्षाकडून करण्यात आली आहे.
राजकीय वर्तुळात खळबळ :
या घडामोडीमुळे राज्यातील राजकीय वर्तुळात खळबळ उडाली असून, आगामी विधानसभा निवडणुकांच्या पार्श्वभूमीवर ही रणनीती म्हणून पाहिली जात आहे.
नेतृत्वात बदल का? :
जयंत पाटील हे गेल्या अनेक वर्षांपासून राष्ट्रवादीच्या प्रदेशाध्यक्ष पदावर होते. त्यांनी अनेक निवडणुका पक्षाच्या नेतृत्वाखाली लढवल्या आहेत. मात्र, सध्या पक्षात नव्या दमाच्या नेतृत्वाची गरज असल्याने, त्यांनी पद सोडण्याचा निर्णय घेतल्याचे सूत्रांकडून सांगण्यात येत आहे.
शशिकांत शिंदे (Shashikant shinde) हेही अनुभवी आमदार असून, ग्रामीण महाराष्ट्रात त्यांची मजबूत पकड आहे. त्यामुळे पक्षसंघटना बळकट करण्यासाठी त्यांच्या निवडीला प्राधान्य देण्यात आलं आहे.
