Instagram New Feature | लोकप्रिय सोशल मीडिया प्लॅटफॉर्म Instagram ने अखेर युजर्सची प्रतीक्षा संपवत एक महत्त्वाचे फिचर लाँच केले आहे. या नव्या अपडेटमुळे आता युजर्सना पोस्ट केल्यानंतरही आपली कमेंट एडिट करण्याची सुविधा मिळणार आहे. यामुळे टायपो किंवा चुकीचे शब्द दुरुस्त करणे अधिक सोपे होणार आहे.
आतापर्यंत इंस्टाग्रामवर एकदा कमेंट पोस्ट केल्यानंतर ती बदलता येत नव्हती. त्यामुळे चुकीची कमेंट डिलीट करून पुन्हा लिहावी लागत होती. मात्र, आता या नव्या फीचरमुळे युजर्स थेट कमेंट एडिट करून सुधारणा करू शकतात.
फक्त 15 मिनिटांतच एडिटची संधी :
इंस्टाग्रामच्या या फीचरमध्ये एक महत्त्वाची अट आहे. युजरला कमेंट पोस्ट केल्यानंतर फक्त 15 मिनिटांच्या आतच ती एडिट करता येणार आहे. या वेळेनंतर एडिट करण्याचा पर्याय उपलब्ध राहणार नाही.
यासोबतच, युजरला त्या 15 मिनिटांत कमेंट कितीही वेळा एडिट करता येईल. मात्र ही सुविधा फक्त टेक्स्ट कमेंटसाठीच लागू असेल. जर कमेंटमध्ये फोटो किंवा इतर मीडिया असेल, तर ते एडिट करता येणार नाही.
Instagram New Feature | ट्रान्सपरन्सीसाठी ‘Edited’ टॅग :
या फीचरमध्ये पारदर्शकता राखण्यासाठी इंस्टाग्रामने ‘Edited’ टॅगचा समावेश केला आहे. म्हणजेच, एखादी कमेंट एडिट केल्यानंतर इतर युजर्सना ती कमेंट बदलली असल्याचे दिसेल. (Instagram New Feature)
मात्र, एडिट केल्यानंतर मूळ (original) कमेंट पाहण्याची सुविधा उपलब्ध नसणार आहे.
कमेंट एडिट कशी कराल? :
– पोस्टवरील आपल्या कमेंटवर काही सेकंद टॅप करून ठेवा
– स्क्रीनवर ‘Edit’ ऑप्शन दिसेल
– त्यावर क्लिक करून कमेंटमध्ये बदल करा
– सेव्ह केल्यानंतर कमेंट अपडेट होईल
या फीचरमुळे युजर्सचा अनुभव अधिक सुधारेल आणि चुकीच्या कमेंटमुळे होणारे गैरसमज टाळता येतील. सोशल मीडियावर संवाद अधिक अचूक आणि नियंत्रित ठेवण्यासाठी हे अपडेट महत्त्वाचे मानले जात आहे.
