Guru Purnima | गुरुपौर्णिमा हा हिंदू धर्मातील अत्यंत पवित्र आणि श्रद्धेचा दिवस मानला जातो. आषाढ पौर्णिमेला साजरा होणाऱ्या या उत्सवाला यंदा विशेष ज्योतिषीय महत्त्व प्राप्त झाले आहे. प्रीती योग, हर्षण योग आणि शुक्र ग्रहाच्या नक्षत्र परिवर्तनामुळे काही राशींना अनुकूल परिणाम मिळण्याची शक्यता ज्योतिषशास्त्रात व्यक्त करण्यात आली आहे. यासोबतच या दिवसाची तिथी, शुभ मुहूर्त आणि धार्मिक महत्त्वही विशेष मानले जाते.
गुरुपौर्णिमेची तिथी, शुभ मुहूर्त आणि विशेष योग :
हिंदू पंचांगानुसार 2026 मधील गुरुपौर्णिमा 29 जुलै रोजी साजरी केली जाणार आहे. पौर्णिमा तिथीची सुरुवात 28 जुलै रोजी सायंकाळी 6:18 वाजता होईल, तर तिची समाप्ती 29 जुलै रोजी रात्री 8:05 वाजता होणार आहे. या दिवशी ज्ञान, अध्यात्म आणि गुरुंच्या पूजनाला विशेष महत्त्व दिले जाते. धार्मिक परंपरेनुसार महाभारताचे रचनाकार महर्षी वेद व्यास (Maharishi Ved Vyas) यांचा जन्म याच दिवशी झाला असल्याने या दिवसाला व्यास पौर्णिमा असेही संबोधले जाते.
ज्योतिषशास्त्रानुसार यंदाच्या गुरुपौर्णिमेला प्रीती योग आणि हर्षण योग यांचा शुभ संयोग तयार होत आहे. याशिवाय शुक्र ग्रह (Venus) 29 जुलै रोजी आपले नक्षत्र बदलणार आहे. प्रेम, ऐश्वर्य, सौंदर्य, कला आणि सुखसोयींचा कारक मानला जाणारा शुक्र ग्रह नक्षत्र परिवर्तन करत असल्यामुळे सर्व राशींवर त्याचा परिणाम होईल. विशेषतः करिअर, आर्थिक स्थिती आणि वैयक्तिक आयुष्यात काही राशींना सकारात्मक घडामोडी अनुभवायला मिळू शकतात, असे ज्योतिष अभ्यासकांचे मत आहे.
Guru Purnima | या तीन राशींना मिळू शकतो विशेष लाभ :
ज्योतिषीय गणनेनुसार वृषभ (Taurus), सिंह (Leo) आणि मकर (Capricorn) राशीच्या व्यक्तींना शुक्राच्या नक्षत्र परिवर्तनाचा अधिक लाभ मिळण्याची शक्यता आहे. वृषभ राशीच्या व्यक्तींना व्यवसायात नवीन संधी मिळू शकतात, नोकरी करणाऱ्यांना बढती किंवा अतिरिक्त जबाबदारी मिळण्याचे संकेत आहेत. आर्थिक परिस्थितीत सुधारणा होण्याबरोबरच कुटुंबीयांचा सहकार्य लाभल्याने मानसिक समाधानही मिळू शकते.
सिंह राशीच्या व्यक्तींसाठी प्रेमसंबंध आणि करिअरच्या दृष्टीने हा काळ अनुकूल मानला जात आहे. अविवाहितांना नवीन नात्याची सुरुवात होण्याची शक्यता असून, विवाहित किंवा नात्यात असलेल्या व्यक्तींचे संबंध अधिक दृढ होऊ शकतात. नोकरीत पदोन्नती, वेतनवाढ किंवा नवीन संधी मिळू शकतात. मकर राशीच्या व्यक्तींना आर्थिक लाभ, उत्पन्नाचे नवीन स्रोत, जुन्या गुंतवणुकीतून फायदा आणि करिअरमध्ये प्रगतीचे संकेत आहेत. प्रेमसंबंध अधिक मजबूत होण्याबरोबरच 11 ऑगस्टपर्यंतचा कालावधी आनंद, प्रगती आणि समृद्धीचा ठरू शकतो. धार्मिक श्रद्धेनुसार या दिवशी गुरुंचे पूजन, भगवान विष्णू (Lord Vishnu) यांची उपासना आणि “गुरुर्ब्रह्मा गुरुर्विष्णुः…” या मंत्राचे स्मरण विशेष फलदायी मानले जाते.
