Gold-Silver Rate Today | सोने आणि चांदीच्या किमतींमध्ये मोठी वाढ नोंदवली जात असून, ग्राहकांना याचा मोठा फटका बसत आहे. गेल्या आठवड्यापासून या मौल्यवान धातूंमध्ये सातत्याने वाढ होत आहे. 22 आणि 24 कॅरेट सोन्याचे तसेच एक किलो चांदीचे नवीन दर जाणून घ्या. (Gold-Silver Rate Today )
सोने दररोज नवा उच्चांक गाठतंय
गेल्या आठवड्यात सोन्याच्या दरात तब्बल 1300 रुपयांची वाढ झाली होती. सोमवारी किंचित घसरण झाल्यानंतर, मंगळवारी आणि बुधवारी पुन्हा 440 रुपयांची वाढ नोंदवण्यात आली. यामुळे केवळ दोन दिवसांत सोने तब्बल 880 रुपयांनी महागले.
गुडरिटर्न्सच्या अहवालानुसार, आज 22 कॅरेट सोन्याचा दर 83,005 रुपये प्रति 10 ग्रॅम, तर 24 कॅरेट सोन्याचा दर 90,590 रुपये प्रति 10 ग्रॅम झाला आहे. ही वाढ ग्राहकांसाठी मोठे आर्थिक आव्हान निर्माण करत आहे.
चांदीच्या दरात प्रचंड वाढ
चांदी देखील मागे राहिलेली नाही. मागील 14 दिवसांत चांदी तब्बल 5,000 रुपयांनी महागली आहे. सोमवारी किंचित घसरण झाल्यानंतर, मंगळवारी 1,100 रुपये आणि बुधवारी 1,000 रुपयांची मोठी वाढ नोंदवण्यात आली.
गुडरिटर्न्सच्या माहितीनुसार, एक किलो चांदीचा नवा दर 1,05,000 रुपये झाला आहे. मागील महिन्यात सुस्तावलेली चांदी आता सोन्याशी स्पर्धा करताना दिसत आहे. (Gold-Silver Rate Today)
विविध कॅरेट सोन्याचे दर
इंडियन बुलियन्स अँड ज्वेलर्स असोसिएशनच्या (IBJA) अहवालानुसार, आज सकाळी विविध कॅरेट सोन्याचे दर असे आहेत:
24 कॅरेट: 88,649 रुपये प्रति 10 ग्रॅम
23 कॅरेट: 88,294 रुपये प्रति 10 ग्रॅम
22 कॅरेट: 81,203 रुपये प्रति 10 ग्रॅम
18 कॅरेट: 66,487 रुपये प्रति 10 ग्रॅम
14 कॅरेट: 51,860 रुपये प्रति 10 ग्रॅम
चांदी (1 किलो): 99,968 रुपये
घरबसल्या जाणून घ्या दर
जर तुम्हाला घरबसल्या सोन्या-चांदीचे दर जाणून घ्यायचे असतील, तर इंडियन बुलियन्स अँड ज्वेलर्स असोसिएशन (IBJA) ने त्यासाठी 8955664433 या क्रमांकावर मिस्ड कॉल करण्याची सुविधा दिली आहे. केंद्र सरकारच्या सुट्यांव्यतिरिक्त दररोज हे दर अपडेट केले जातात.
Title : Gold-Silver Rate Today 20 March 2025
