Anayaa Bangar | टीम इंडियाच्या माजी प्रशिक्षकांची (Former Coach) मुलगी, अनाया बांगर (Anayaa Bangar) हिने काही क्रिकेटपटूंवर लैंगिक छळाचे (Sexual Harassment) गंभीर आरोप केले आहेत. हार्मोनल रिप्लेसमेंट थेरपीच्या (Hormonal Replacement Therapy – HRT) अनुभवावर बोलताना तिने हे धक्कादायक खुलासे केले.
क्रिकेट जगतात असुरक्षितता आणि वाईट प्रवृत्ती
एका मुलाखतीत अनायाने सांगितले की, तिने मुशीर खान (Musheer Khan), सर्फराज खान (Sarfaraz Khan) आणि यशस्वी जयस्वाल (Yashasvi Jaiswal) यांसारख्या प्रसिद्ध क्रिकेटपटूंसोबत पूर्वी क्रिकेट खेळले आहे. वडील प्रसिद्ध व्यक्ती असल्याने तिला आपली ओळख बराच काळ गुप्त ठेवावी लागली.
“क्रिकेटचे जग हे असुरक्षिततेने आणि वाईट प्रवृत्तीच्या पुरुषांनीभरलेले आहे,” असे तिने म्हटले. तिने सांगितले की तिची ट्रान्स ओळख (trans identity) समजल्यानंतर काही प्रसिद्ध क्रिकेटपटू तिला तिचे न्यूड फोटो (nude photos) पाठवत असत. एका व्यक्तीवर तिने सार्वजनिक ठिकाणी शिवीगाळ करून नंतर खाजगीत फोटो मागितल्याचा आरोपही केला.
Anayaa Bangar | लैंगिक छळाचे आरोप
अनायाने आणखी एक गंभीर आरोप केला. भारतातील एका वरिष्ठ क्रिकेटपटूला (senior cricketer) तिने आपल्या स्थितीबद्दल सांगितल्यावर, त्याने तिला थेट गाडीत चलण्यास सांगून, “मला तुझ्यासोबत शारीरिक संबंध ठेवायचे आहेत (I want to sleep with you),” असे म्हटल्याचे तिने उघड केले.
या मुलाखतीत तिने आयसीसीने (ICC) ट्रान्स क्रिकेटपटूंना महिला क्रिकेटमध्ये खेळण्यास बंदी घालण्याच्या निर्णयावर तीव्र नाराजी व्यक्त केली. तिने अधिकारी आणि कायदे बनवणाऱ्यांना आवाहन केले की, खेळाडूंना त्यांची आवड (खेळ) आणि ओळख यापैकी एकाची निवड करावी लागणार नाही, अशी धोरणे बनवावीत.
