Eknath Shinde Health Update | महाराष्ट्राचे (Maharashtra) उपमुख्यमंत्री एकनाथ शिंदे (Eknath Shinde) यांच्या प्रकृतीबाबत एक अत्यंत दिलासादायक आणि महत्त्वाची माहिती समोर आली आहे. थकवा आणि तापाच्या त्रासामुळे काल रुग्णालयात दाखल झालेल्या उपमुख्यमंत्र्यांच्या प्रकृतीत आता वेगाने सुधारणा होत असून, त्यांना आज म्हणजेच शनिवारी संध्याकाळपर्यंत वैद्यकीय केंद्रातून घरी सोडण्यात येणार आहे. सततचा प्रवास आणि विश्रांतीचा अभाव यामुळे त्यांना हा त्रास झाला होता.
ठाण्याच्या ज्युपिटर रुग्णालयात उपचार; अतिदगदगीमुळे खालावले होते आरोग्य
मिळालेल्या माहितीनुसार, उपमुख्यमंत्री एकनाथ शिंदे यांना शुक्रवारी रात्री ८ वाजण्याच्या सुमारास ठाणे (Thane) येथील प्रसिद्ध ‘ज्युपिटर रुग्णालयात’ (Jupiter Hospital) उपचारासाठी दाखल करण्यात आले होते. राज्यामध्ये सध्या सुरू असलेले पावसाळी अधिवेशन (Monsoon Session) आणि त्यापूर्वी पक्षांतर्गत घडवून आणलेले ‘ऑपरेशन टायगर’ (Operation Tiger) यांमुळे त्यांच्यावर कामाचा प्रचंड ताण होता. त्यातच विरोधी गटातील नेते सचिन अहिर (Sachin Ahir) यांच्या पक्षप्रवेशाच्या नियोजनासाठी त्यांना मोठी धावपळ करावी लागली होती. या व्यस्त वेळापत्रकामुळे त्यांना विश्रांती घेता आली नाही आणि शुक्रवारी रात्री त्यांचा ताप वाढल्याने त्यांना तात्काळ रुग्णालयात हलवावे लागले होते. ज्युपिटर रुग्णालय प्रशासनाने दिलेल्या अधिकृत पत्रकानुसार, आता काळजीचे कोणतेही कारण नसून त्यांची प्रकृती पूर्णपणे स्थिर आहे.
नियोजित सोहळे रद्द; मध्यरात्री खासदारांच्या उपस्थितीत पक्षप्रवेश
प्रकृती अस्वास्थ्यामुळे शुक्रवारी दुपारच्या सुमारास ठाण्यातील ‘गंगुबाई शिंदे सभागृह’ (Gangubai Shinde Sabhagruh) येथे होणारे त्यांचे सर्व पूर्वनियोजित कार्यक्रम रद्द करावे लागे होते. धुळे (Dhule) येथील ठाकरे गटाच्या उपनेत्या शुभांगी पाटील (Shubhangi Patil) यांचा पक्षात सामील होण्याचा मुख्य सोहळाही यामुळे पुढे ढकलण्यात आला होता. अखेर परिस्थिती पाहता, शुक्रवारी मध्यरात्री दोन वाजता खासदार डॉ. श्रीकांत शिंदे (Dr. Shrikant Shinde) यांच्या उपस्थितीत हा राजकीय पक्षप्रवेश पार पडला. शुभांगी पाटील यांनी यापूर्वी नाशिक (Nashik) पदवीधर मतदारसंघाची निवडणूक महाविकास आघाडीच्या (MVA) पाठिंब्यावर लढवून तब्बल ५० हजारांच्या आसपास मते मिळवली होती. आता त्यांच्या प्रवेशामुळे सत्ताधारी पक्षाची उत्तर महाराष्ट्रातील ताकद वाढणार आहे.
News Title: Eknath Shinde Health Update Jupiter Hospital Discharge
