Dr. Shirish Valsangkar | सोलापूर येथील डॉ. शिरीष वळसंगकर (Dr. Shirish Valsangkar) आत्महत्या प्रकरणात पोलिसांना सुसाईड नोट (Suicide Note) आणि एक महत्त्वपूर्ण कॉल रेकॉर्डिंग (Call Recording) सापडले असले तरी, आरोपी मनीषा मुसळे माने (Manisha Musale Mane) हिच्यावरील आरोप सिद्ध करण्यासाठी आणखी पुराव्यांची गरज भासणार आहे. केवळ सुसाईड नोट पुरेसा पुरावा ठरू शकत नाही, असं कायदेशीर तज्ज्ञांचं मत आहे.
सुसाईड नोट
डॉ. शिरीष वळसंगकर (Dr. Shirish Valsangkar) यांनी आत्महत्या केल्यानंतर, उपचारादरम्यान काढलेल्या त्यांच्या कपड्यांमधून (पॅन्टच्या खिशात) पोलिसांना दुसऱ्या दिवशी सुसाईड नोट सापडली. ही नोट पोलिसांच्या दृष्टीने मनीषा मुसळे माने (Manisha Musale Mane) विरोधात महत्त्वाचा पुरावा मानली जात आहे. मात्र, कायदेशीर तज्ज्ञांच्या मते, केवळ या नोटच्या आधारावर मनीषाला (Manisha Mane) दोषी ठरवणे कठीण आहे.
आत्महत्येस प्रवृत्त केल्याचा गुन्हा सिद्ध करण्यासाठी, नोटमधील मजकुराला दुजोरा देणारे इतर परिस्थितीजन्य पुरावे पोलिसांना गोळा करावे लागतील. असे पुरावे न मिळाल्यास, उच्च आणि सर्वोच्च न्यायालयाच्या (Supreme Court) निकालांनुसार आरोपी निर्दोष सुटू शकतो, असे तज्ज्ञ वकिलांनी सांगितले.
सुनेचा फोन आणि रेकॉर्डिंगचा गुंता
डॉ. वळसंगकर (Dr. Shirish Valsangkar) यांनी आत्महत्या केलेल्या रात्रीच (१८ एप्रिल) उशिरा, त्यांच्या सून डॉ. शोनाली (Dr. Shonali) यांनी मनीषा मानेला (Manisha Mane) फोन करून जाब विचारला होता. “तू अश्विन (Ashwin) आणि सासू उमा (Uma) यांना केलेला ई-मेल सासऱ्यांनाही केला होता का? तुझ्यामुळे सासऱ्यांनी आत्महत्या केली,” असे डॉ. शोनाली (Dr. Shonali) म्हणाल्या, ज्यावर मनीषाने (Manisha Mane) उत्तर देण्यापूर्वीच कॉल कट झाला. धक्कादायक बाब म्हणजे, मनीषाने (Manisha Mane) हा कॉल रेकॉर्ड केला होता, जो आता पोलिसांच्या ताब्यात आहे.
या कॉल रेकॉर्डिंगमुळे प्रकरणाला वेगळे वळण मिळण्याची शक्यता आहे. मात्र, फिर्यादी डॉ. अश्विन (Dr. Ashwin) यांच्या म्हणण्यानुसार, त्याच दिवशी मनीषाने (Manisha Mane) डॉ. वळसंगकर (Dr. Shirish Valsangkar), डॉ. उमा (Dr. Uma) आणि डॉ. अश्विन (Dr. Ashwin) यांच्यासमोर ई-मेलबद्दल माफी मागितली होती आणि लेखी माफीनामा दिला होता. तसेच, ई-मेलची मूळ प्रत रुग्णालयात फाडून टाकल्याचेही म्हटले आहे. त्यामुळे, माफी मागितल्यानंतर आणि ई-मेल फाडल्यानंतरही डॉक्टरांनी आत्महत्या का केली, हा प्रश्न निर्माण झाला आहे. मनीषाचे (Manisha Mane) वकील ऍड. प्रशांत नवगिरे (Adv. Prashant Navgire) हे मुद्दे न्यायालयात मांडणार आहेत. मनीषाची न्यायालयीन कोठडी ९ मे रोजी संपणार असून, पोलीस ठोस पुरावे सादर करू शकले नाहीत, तर तिला जामीन मिळण्याची शक्यता आहे.
