Donald Trump | अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी पुन्हा एकदा स्थलांतरितांविरोधात कठोर पावले उचलण्याचा विचार सुरू केला आहे. त्यांनी 227 वर्षे जुना ‘एलियन एनिमी ऍक्ट, 1798’ (Alien Enemies Act, 1798) पुन्हा लागू करण्याची तयारी सुरू केली असून, हा कायदा अंमलात आल्यास लाखो गैर-अमेरिकन नागरिकांना हद्दपार होण्याचा धोका आहे. (Donald Trump)

एलियन एनिमी ऍक्ट म्हणजे काय?

1798 मध्ये तयार करण्यात आलेला एलियन एनिमी ऍक्ट हा राष्ट्राध्यक्षांना युद्धकालीन विशेष अधिकार देतो. या कायद्याअंतर्गत राष्ट्राध्यक्ष कोणत्याही परदेशी नागरिकाला ‘शत्रू एलियन’ घोषित करून देशाबाहेर काढू शकतात. जर अमेरिका कोणत्याही देशाशी युद्धाच्या स्थितीत असेल, तर त्या देशाच्या नागरिकांना अमेरिकेत राहण्याचा अधिकार नाकारला जाऊ शकतो.

या कायद्यानुसार, राष्ट्राध्यक्षांना 14 वर्षांवरील परदेशी नागरिकांना अमेरिकेतून हाकलण्याचा अधिकार आहे. ऐतिहासिकदृष्ट्या, या कायद्याचा वापर प्रामुख्याने युद्धकाळात करण्यात आला आहे. मात्र, ट्रम्प आता सामान्य परिस्थितीतही हा कायदा लागू करण्याचा विचार करत आहेत, त्यामुळे स्थलांतरितांमध्ये भीतीचे वातावरण निर्माण झाले आहे.

2016 मध्ये राष्ट्राध्यक्षपदी असताना ट्रम्प यांनी बेकायदेशीर स्थलांतरितांविरोधात कठोर धोरण अवलंबले होते. त्यावेळी त्यांनी हजारो स्थलांतरितांना देशाबाहेर हाकलले, ज्यामध्ये भारत, मेक्सिको, ब्राझील आणि व्हेनेझुएलासारख्या देशांतील नागरिकांचा समावेश होता.

2024 च्या प्रचारादरम्यानही ट्रम्प यांनी स्थलांतरितांविरोधात आक्रमक भूमिका घेतली होती. “सत्ता मिळाल्यास देशातील बेकायदेशीर स्थलांतरितांना तातडीने हद्दपार करू,” असे ते वारंवार सांगत आहेत. आता एलियन एनिमी ऍक्ट लागू करण्याच्या तयारीमुळे त्यांच्या कठोर स्थलांतर धोरणाची पुष्टी झाली आहे. (Donald Trump)

ट्रम्प यांच्या या प्रस्तावावर कायदेतज्ज्ञ आणि मानवाधिकार संघटनांनी तीव्र चिंता व्यक्त केली आहे. युद्ध नसताना हा कायदा लागू करणे कठीण असल्याचं त्यांनी म्हटलं आहे. अमेरिकेने सध्या कोणत्याही देशावर आक्रमण केलेले नाही किंवा कोणत्याही देशाने अमेरिकेवर थेट हल्ला केलेला नाही. त्यामुळे हा कायदा लागू करणे अवघड होईल, असे तज्ज्ञांचे मत आहे. “कोणत्याही व्यक्तीला केवळ त्याच्या राष्ट्रीयत्वाच्या आधारावर हद्दपार करणे हा अमेरिकेच्या संविधानावरील थेट हल्ला आहे,” असे अनेक कायद्यांचे अभ्यासक म्हणतात.

जागतिक परिणाम आणि भारतावर होणारा प्रभाव

जर ट्रम्प पुन्हा राष्ट्राध्यक्ष झाले आणि त्यांनी हा कायदा लागू केला, तर जागतिक पातळीवर मोठा गोंधळ उडेल. विशेषतः, भारत, मेक्सिको, ब्राझील आणि व्हेनेझुएलासारख्या देशांसाठी ही परिस्थिती चिंताजनक ठरेल, कारण लाखो नागरिक अमेरिकेत स्थायिक आहेत. भारताकडून या निर्णयाचा विरोध केला जाण्याची शक्यता असून, यामुळे भारत-अमेरिका संबंधांवरही परिणाम होऊ शकतो. (Donald Trump)

Title: Donald Trump Plan to Reinstate 227-Year-Old Alien Enemies Act Sparks Controversy