Congress MP Prashant Padole Accident | एक धक्कादायक बातमी समोर आली आहे. भंडाऱ्याचे (Bhandara) भारतीय राष्ट्रीय काँग्रेसचे (Indian National Congress) विद्यमान खासदार डॉ. प्रशांत पडोले (Dr. Prashant Padole) यांच्या वाहनाला सोमवारी सकाळी भीषण अपघात झाला आहे. संसदेच्या अधिवेशनासाठी दिल्लीला (Delhi) जाण्याकरिता ते नागपूर (Nagpur) विमानतळाकडे रवाना झाले असताना एका भरधाव ट्रकने त्यांच्या गाडीला जोराची धडक दिली. या दुर्घटनेत खासदार आणि त्यांचा वाहनचालक जखमी झाले असून, सुदैवाने मोठी जीवितहानी टळली आहे.
दिल्लीतील संसदेच्या कामकाजात भाग घेण्यासाठी सोमवारी सकाळच्या सुमारास हे राजकीय नेते आपल्या खाजगी मोटारीने निघाले होते. नागपूरजवळ पोहोचताच त्यांच्या गाडीला एका ट्रकने जोरदार धडक दिली. सुरुवातीला दोघांनाही एका खाजगी रुग्णालयात उपचारासाठी दाखल केल्याची माहिती समोर आली होती. मात्र, गाडीचे मोठे नुकसान होऊनही किरकोळ दुखापतीवर प्राथमिक उपचार घेतल्यानंतर त्यांनी एका दुचाकीची लिफ्ट घेतली. या मदतीने ते थेट विमानतळ गाठून नियोजित प्रवासासाठी दिल्लीकडे रवाना झाले.
सांसद नहीं सुरक्षित.
जनता का क्या होगा?आज दिल्ली के लिए निकलना था, सुबह भंडारा से निजी कार से नागपूर एयरपोर्ट पर जाना था.
नागपूर के करीब ट्रक वाले ने जोरदार टक्कर दी. कार क्षतिग्रस्त हुई पर मुझे कही लगा नहीं लेकिन कार का नुकसान हुआ.
मा @nitin_gadkari कार कंपनी को सख्त pic.twitter.com/BXb0YkLMDL— Dr Prashant Padole (@_Prashantpadole) March 30, 2026
विशेष म्हणजे, याआधी २०२५ मध्येही त्यांच्यावर असाच एक रस्ते अपघात ओढवला होता आणि सुदैवाने त्यातूनही ते सुखरूप बचावले होते.या संपूर्ण प्रकारानंतर त्यांनी सोशल मीडिया प्लॅटफॉर्म एक्सवर (X) आपला रोष व्यक्त केला. रस्ते वाहतूक मंत्री नितीन गडकरी (Nitin Gadkari) यांना टॅग करत त्यांनी सुरक्षेच्या मुद्द्यावर लक्ष वेधले. ‘जर लोकप्रतिनिधीच सुरक्षित नसतील, तर सर्वसामान्य जनतेचे काय होणार?’ असा थेट सवाल त्यांनी विचारला. धडक बसून गाडीचे एवढे नुकसान झाल्यानंतरही कारमधील एअरबॅग न उघडल्याने त्यांनी संताप व्यक्त करत अपघातग्रस्त वाहनाचा फोटोही शेअर केला व तांत्रिक सुरक्षेवर प्रश्नचिन्ह उपस्थित केले.
याच मार्गावरून प्रवास करताना नेत्याच्या गाडीचा अपघात होण्याची ही सलग तिसरी वेळ आहे. एकाच रस्त्यावर वारंवार घडणाऱ्या या घटनांमुळे आता वेगळ्याच चर्चांना उधाण आले आहे. हा केवळ योगायोग नसून यामागे काहीतरी घातपात असावा, असा दाट संशय व्यक्त केला जात आहे. त्यामुळे या संपूर्ण प्रकरणाची अत्यंत सखोल चौकशी व्हावी, जेणेकरून यामागील खरे सत्य जनतेसमोर येईल, अशी जोरदार मागणी आता जोर धरू लागली आहे.








