Congress Candidate List | मुंबई महापालिका निवडणूक 2026 च्या पार्श्वभूमीवर राजकीय हालचालींना वेग आला आहे. राज्यातील सर्वात मोठ्या आणि प्रतिष्ठेच्या बृहन्मुंबई महानगरपालिकेच्या निवडणुकीकडे संपूर्ण राज्याचं लक्ष लागले असून, उमेदवारी जाहीर करताना प्रत्येक पक्ष कमालीची गुप्तता पाळताना दिसत आहे. भाजप आणि शिवसेना ठाकरे गटाने आधीच आपल्या 70 हून अधिक उमेदवारांची नावे जाहीर केल्यानंतर आता काँग्रेसनेही मुंबईसाठी पहिली अधिकृत यादी जाहीर करत निवडणूक रणधुमाळीला सुरुवात केली आहे.
काँग्रेस पक्षाने जाहीर केलेल्या या पहिल्या यादीत तब्बल 70 उमेदवारांचा समावेश असून, काही पारंपरिक बालेकिल्ल्यांमध्ये पक्षाने आक्रमक रणनीती आखल्याचं चित्र आहे. विशेष म्हणजे, शिवसेना ठाकरे गटाचा बालेकिल्ला मानल्या जाणाऱ्या माहिम मतदारसंघात काँग्रेसने थेट आव्हान देत उमेदवार जाहीर केल्यामुळे राजकीय वर्तुळात चर्चेला उधाण आलं आहे. (BMC Election 2026)
ठाकरेंच्या बालेकिल्ल्यात काँग्रेसचा डाव :
माहिम मतदारसंघातील वार्ड क्रमांक 192 मधून काँग्रेसने दीपक भिकाजी वाघमारे यांना उमेदवारी दिली आहे. हा भाग शिवसेनेचा पारंपरिक प्रभाव असलेला मानला जात असल्याने काँग्रेसच्या या निर्णयाकडे ठाकरे गटासाठी मोठं आव्हान म्हणून पाहिलं जात आहे. यामुळे आगामी निवडणुकीत माहिममध्ये चुरशीची लढत पाहायला मिळण्याची शक्यता आहे. (Congress vs Shiv Sena)
बृहन्मुंबई महानगरपालिका निवडणूक – २०२६ साठी भारतीय राष्ट्रीय काँग्रेस पक्षाच्या वतीने अधिकृत उमेदवारांची पहिली यादी जाहीर करण्यात येत आहे. निवड झालेल्या सर्व उमेदवारांचे अभिनंदन आणि शुभेच्छा…
आपली मुंबई घडवूया…
मुंबईच्या हितासाठी काँग्रेसला निवडूया..#Mission2026 #Mumbai… pic.twitter.com/y8X1hRLL1m— Mumbai Congress (@INCMumbai) December 29, 2025
मुंबईतील अनेक प्रभागांमध्ये काँग्रेसने नव्या चेहऱ्यांसोबतच अनुभवी कार्यकर्त्यांना संधी दिल्याचं या यादीतून स्पष्ट होत आहे. स्थानिक प्रश्न, विकासकामं आणि महापालिकेतील प्रशासन यावर लक्ष केंद्रित करत काँग्रेसने ही उमेदवार यादी आखली असल्याचं सांगितलं जात आहे. काही ठिकाणी अंतर्गत नाराजी असली तरी पहिल्या टप्प्यात पक्षाने आपली ताकद दाखवण्याचा प्रयत्न केल्याचं राजकीय जाणकारांचं मत आहे.
Congress Candidate List | ट्विटरवर अधिकृत घोषणा, राजकीय समीकरणांना वेग :
बृहन्मुंबई महानगरपालिका निवडणूक 2026 साठी काँग्रेस पक्षाने अधिकृत ट्विटर हँडलवरून उमेदवारांची पहिली यादी जाहीर केली. निवड झालेल्या सर्व उमेदवारांचे अभिनंदन करत, “आपली मुंबई घडवूया, मुंबईच्या हितासाठी काँग्रेसला निवडूया,” असा संदेश देण्यात आला आहे. या घोषणेनंतर काँग्रेस कार्यकर्त्यांमध्ये उत्साहाचं वातावरण निर्माण झालं आहे. (Congress Candidate List)
दरम्यान, काँग्रेसच्या या यादीनंतर महाविकास आघाडीतील मित्र पक्षांची पुढील रणनीती काय असणार, याकडेही लक्ष लागलं आहे. दुसरीकडे भाजप आणि ठाकरे गटाकडूनही पुढील टप्प्यातील उमेदवार याद्या जाहीर होण्याची शक्यता असून, त्यामुळे मुंबईतील राजकीय तापमान आणखी वाढणार आहे. 2026 च्या मुंबई महापालिका निवडणुकीत यंदा त्रिकोणी आणि काही ठिकाणी चतुष्कोणी लढती पाहायला मिळणार असल्याचं चित्र स्पष्ट होत आहे.
