BCCI Recruitment 2025 | भारतीय क्रिकेट नियामक मंडळाने (BCCI) त्यांच्या बेंगळुरूतील सेंटर ऑफ एक्सलन्समध्ये काम करण्याची सुवर्णसंधी दिली आहे. फिरकी गोलंदाजी प्रशिक्षक पदासाठी भरतीची घोषणा करण्यात आली असून, पात्र उमेदवारांकडून अर्ज मागवण्यात आले आहेत. (BCCI Recruitment 2025)

सेंटर ऑफ एक्सलन्समध्ये मिळणार जबाबदारी 

BCCI च्या बेंगळुरू (Bengaluru) येथील अत्याधुनिक सेंटर ऑफ एक्सलन्स (COE) मध्ये फिरकी गोलंदाजी प्रशिक्षक म्हणून नियुक्त होण्यासाठी ही भरती प्रक्रिया राबवण्यात येत आहे. निवड झाल्यास, अर्जदार भारताच्या सर्व वयोगटांतील संघांसाठी (वरिष्ठ पुरुष-महिला, भारत A, अंडर-23, अंडर-19, अंडर-16 आणि अंडर-15) प्रशिक्षण देण्याच्या जबाबदारीत असतील.

या भूमिकेत प्रशिक्षकाला COE मधील वरिष्ठ प्रशिक्षकांबरोबर काम करावे लागेल. विविध प्रशिक्षण कार्यक्रम आखणे, कामगिरीवर लक्ष ठेवणे, आणि भारतातील फिरकी गोलंदाजीची नवी प्रतिभा घडवणे ही महत्त्वाची जबाबदारी असेल.

अर्ज करण्याची अंतिम तारीख आणि प्रक्रिया

फिरकी गोलंदाजी प्रशिक्षक पदासाठी अर्ज सादर करण्याची अंतिम तारीख 10 एप्रिल 2025 सायंकाळी 5 वाजेपर्यंत निश्चित करण्यात आली आहे. अर्ज BCCI च्या अधिकृत वेबसाईट किंवा त्यांच्या नियोजित प्रक्रियेनुसार ऑनलाईन पद्धतीने करावेत. इच्छुक आणि पात्र उमेदवारांनी वेळेच्या आत आपला अर्ज दाखल करावा.

पात्रता आणि आवश्यक अनुभव

• अर्जदार हा माजी भारतीय आंतरराष्ट्रीय क्रिकेटपटू किंवा किमान 75 प्रथम श्रेणी सामने खेळलेला माजी क्रिकेटपटू असावा.
• त्याचबरोबर अर्जदाराने भारत A, अंडर-19, महिला संघ किंवा IPL संघ यामध्ये मागील 7 वर्षांमध्ये किमान 3 वर्षांचा यशस्वी प्रशिक्षक म्हणून अनुभव असावा.
• BCCI COE लेव्हल 3 किंवा समतुल्य लेव्हल 2 परफॉर्मन्स कोचिंग सर्टिफिकेट असणे आवश्यक आहे.
• प्रशिक्षण नियोजन, उच्च दर्जाचे व्यवस्थापन, आणि खेळाडू विकास यामध्ये यशस्वी ट्रॅक रेकॉर्ड असणे आवश्यक आहे.

क्रिकेट क्षेत्रात करिअर करणाऱ्यांसाठी उत्तम संधी

ही भरती केवळ एक नोकरी नसून, देशातील उदयोन्मुख खेळाडूंना दिशा देण्याची आणि भारतीय क्रिकेटमध्ये योगदान देण्याची संधी आहे. BCCI च्या मार्गदर्शनाखाली काम करताना प्रशिक्षकाला आधुनिक तंत्रज्ञान, व्यावसायिक वातावरण आणि आंतरराष्ट्रीय दर्जाचे पायाभूत साधनसंपत्ती मिळणार आहे.

Title : BCCI Recruitment 2025 for Spin Bowling Coach