‘…तर मी खासदारकीचा राजीनामा देईन’; बजरंग सोनवणेंचं मोठं वक्तव्य

On: April 11, 2025 6:50 PM
---Advertisement---

Beed News | जिल्ह्यातील बिंदू नामावली वादावरून निर्माण झालेल्या वादंगावर राष्ट्रवादी काँग्रेस (Sharad Pawar NCP) खासदार बजरंग सोनवणे (Bajarang Sonawane) यांनी स्पष्ट भूमिका मांडली आहे. कोणत्याही गैरप्रकारात स्वतःचा सहभाग सिद्ध झाल्यास आपण जिल्ह्यातील जनतेची माफी मागून त्वरित राजीनामा देईन, असे त्यांनी जाहीरपणे सांगितले. याचप्रसंगी त्यांनी भाजप नेत्या पंकजा मुंडे (Pankaja Munde) यांनी आपल्याशी दूरध्वनीवर संपर्क साधल्याची कबुली दिली. या वक्तव्यानंतर राजकीय वर्तुळात चर्चांना उधाण आले आहे.

बिंदू नामावलीसंदर्भात ओपन प्रवर्गावर अन्याय होत असल्याची बाबही त्यांनी अधोरेखित केली. या वादात त्यांचं नाव जोडले गेल्याच्या पार्श्वभूमीवर सोनवणे म्हणाले की, जर कोणी ठोस पुरावे समोर आणले, तर मी संपूर्ण बीड जिल्ह्याच्या जनतेची माफी मागून खासदारकीचा राजीनामा देईन. यामुळे त्यांनी स्वतःवर होणाऱ्या आरोपांना सडेतोड उत्तर दिलं आहे. तसेच पंकजा मुंडे यांनी केलेल्या फोन कॉलबाबत सांगत त्यांनी या प्रकरणात अधिक पारदर्शकता दर्शवली.

रेल्वे, गुन्हेगारी मतप्रदर्शन

यावेळी बजरंग सोनवणे यांनी बीड जिल्ह्यात येणाऱ्या रेल्वे मार्गावर समाधान व्यक्त करत सांगितले की, येत्या दीड महिन्यात बीडपर्यंत रेल्वे धावणार आहे. परळी (Parli) रेल्वे स्थानकासंबंधी अडचणी दूर करण्यात आल्या आहेत. त्यांनी आरोप केला की, दुबईत बसून दाऊद जसा देशभरातील कारभार पाहतो, तसंच वाल्मिक कराड (Valmik Karad) परळीत बसून सर्वकाही चालवत होता.

सोनवणे पुढे म्हणाले की, आरोपीला VIP ट्रीटमेंटमध्ये अडथळा आल्यामुळेच मारहाण करण्यात आली. तो पुन्हा गँगमध्ये प्रवेश करण्यासाठी बीड जेलमध्ये जाण्याचा प्रयत्न करत आहे.

अजित पवार (Ajit Pawar) यांच्या पालकमंत्रिपदानंतर परळी मतदारसंघात रात्रीच्या वेळेसही कामे सुरू झाली आहेत. चौकशीची भीती असल्याने ही कामे वेगाने झाल्याचे त्यांनी नमूद केले. तसेच अजितदादा चुकीचं काम कधीच करू देणार नाहीत, अशी खात्रीही त्यांनी व्यक्त केली.

 Title: Bajarang Sonawane Vows Resignation If Guilty

 

Babita Durande

Babita Durande

Join WhatsApp Group

Join Now