Amol Balwadkar | पुणे महानगरपालिका निवडणुकीच्या पार्श्वभूमीवर यंदाचा प्रचार वेगळ्याच दिशेने जात असल्याचे चित्र पाहायला मिळत आहे. पारंपरिक प्रचार, सभा आणि दारोदारी भेटींपेक्षा थेट नागरिकांचा सहभाग अधिक ठळकपणे समोर येत आहे. “निवडणूक आता जनतेने हातात घेतली आहे. मी मतदारांच्या भेटीला जातोच, पण आता अनेक ठिकाणी मतदार स्वतःहून माझ्या भेटीसाठी पुढे येत आहेत,” अशी भावना उमेदवार अमोल बालवडकर (Amol Balwadkar) यांनी व्यक्त केली. हा प्रचार नसून विश्वासाचा प्रवास असल्याचे त्यांनी स्पष्ट केले.
बालवडकर म्हणाले की, ही निवडणूक केवळ पोस्टर, बॅनर किंवा घोषणांची राहिलेली नाही, तर ती लोकांच्या अपेक्षा आणि विश्वासावर उभी आहे. “आज मतदार स्वतःहून भेटायला येतात, संवाद साधतात, चर्चा करतात. हा अनुभव भारावून टाकणारा आहे,” असे त्यांनी सांगितले. नागरिकांचा हा उत्स्फूर्त सहभाग निवडणूक वातावरणात सकारात्मक बदल घडवत असल्याचेही त्यांनी नमूद केले. (voter response Pune)
नागरिकांचा थेट सहभाग; प्रचाराचा नवा पॅटर्न :
गेल्या काही दिवसांत पुण्यातील विविध परिसरांत नागरिक, सोसायटी प्रतिनिधी, युवक-युवती, महिला मंडळे, व्यापारी संघटना तसेच ज्येष्ठ नागरिक मोठ्या संख्येने स्वतःहून अमोल बालवडकर (Amol Balwadkar) यांच्या भेटीसाठी पुढे येताना दिसत आहेत. “मी एखाद्या ठिकाणी पोहोचण्याआधीच नागरिक जमा झालेले असतात. अनेक वेळा फोन येतात की ‘आम्हीच भेटायला येतो’,” असा अनुभव त्यांनी सांगितला. हा उत्साह केवळ राजकीय नसून भावनिक पातळीवर जोडणारा असल्याचे ते म्हणाले.
या भेटींमध्ये परिसरातील पायाभूत सुविधा, वाहतूक, पाणीपुरवठा, स्वच्छता, शिक्षण, आरोग्य आणि रोजगार यांसारख्या विषयांवर सखोल चर्चा होत आहे. नागरिक केवळ समस्या मांडत नाहीत, तर उपायांवरही चर्चा करत असल्याचे चित्र दिसत आहे. त्यामुळे हा संवाद एकतर्फी प्रचार न राहता सहभागी लोकशाहीचे उदाहरण ठरत असल्याचे राजकीय निरीक्षकांचे मत आहे.
Amol Balwadkar | ११ वर्षांच्या कामाची पोचपावती; लोकशाहीचं खरं रूप :
“सातत्याने ११ वर्ष जनतेची सेवा केली, त्याचं हे फळ आहे,” असे सांगत अमोल बालवडकर यांनी नागरिकांच्या विश्वासाबद्दल कृतज्ञता व्यक्त केली. काम करणाऱ्या माणसाला जनता साथ देते, हेच लोकशाहीचं खरं रूप असल्याचे त्यांनी स्पष्ट केले. कोणत्याही दबावाविना, कोणत्याही आमिषाविना नागरिक पुढे येत असल्याने हा विश्वास अधिक मजबूत होत असल्याचे ते म्हणाले.
ते पुढे म्हणाले की, “ही साथ म्हणजे माझ्यावरचा वैयक्तिक सन्मान नाही, तर प्रभागाच्या भविष्यासाठी दिलेला जनादेश आहे.” लोकांना केवळ आश्वासन नको असून प्रत्यक्ष काम हवे आहे, हे या संवादातून स्पष्ट होत असल्याचे त्यांनी नमूद केले. त्यामुळे निवडणूक ही केवळ सत्ता मिळवण्याची प्रक्रिया न राहता जबाबदारी स्वीकारण्याची संधी असल्याचेही त्यांनी सांगितले.
संवाद, पारदर्शकता आणि कामाचा शब्द :
प्रत्येक भेटीत आपण नागरिकांना एकच शब्द देतो, असे सांगत बालवडकर म्हणाले की, संवाद, पारदर्शकता आणि विकासकामे हीच आपली प्रमुख ओळख राहणार आहे. “लोकांच्या अपेक्षा स्पष्ट आहेत. मला केवळ निवडून यायचं नाही, तर त्यांचा विश्वास टिकवायचा आहे,” असे त्यांनी ठामपणे सांगितले. (Pune municipal election news)
पुणे महानगरपालिका निवडणुकीत उमेदवार आणि मतदार यांच्यातील हे बदलते नाते भविष्यातील राजकारणाची दिशा ठरवणारे ठरू शकते. मतदारच पुढाकार घेत असल्याने ही निवडणूक जनतेच्या सहभागातून घडणाऱ्या जनआंदोलनाचे रूप घेत असल्याचे चित्र सध्या पुण्यात पाहायला मिळत आहे.
