Sambhaji Bhide | शिवप्रतिष्ठान हिंदुस्थानचे प्रमुख संभाजी भिडे (Sambhaji Bhide) आणि त्यांच्या समर्थकांविरोधात राष्ट्रवादी काँग्रेस शरद पवार गटाचे नेते विकास लवांडे (Vikas Lawande) यांनी तक्रार दाखल केली आहे. लवांडे यांनी दावा केला आहे की, संभाजी भिडे आणि त्यांच्या कार्यकर्त्यांकडून त्यांना जीवे मारण्याच्या धमक्या मिळत आहेत, त्यामुळे त्यांच्या जीवाला धोका असल्याचे त्यांनी सांगितले.

विकास लवांडे यांचा संभाजी भिडेंवर गंभीर आरोप

विकास लवांडे यांनी त्यांच्या “सत्याग्रही” या यूट्यूब चॅनेलवर एक व्हिडिओ प्रसिद्ध केला होता, ज्यामध्ये त्यांनी शिवप्रतिष्ठानच्या कार्यपद्धतीवर टीका केली होती. या व्हिडिओमुळे राज्यभरातून त्यांना धमकीचे फोन येत आहेत, असा दावा त्यांनी आपल्या तक्रारीत केला आहे.

ते म्हणाले, “माझा मोबाईल नंबर आणि नाव व्हॉट्सअॅप आणि सोशल मीडियावर व्हायरल करण्यात आले. त्यानंतर मला सतत फोन करून धमक्या दिल्या जात आहेत. मला ‘पानसरे-दाभोलकर’ करण्याची धमकी दिली जात आहे.”

मुख्यमंत्री आणि पोलिसांकडे तक्रार

लवांडे यांनी मुख्यमंत्री देवेंद्र फडणवीस (Devendra Fadnavis) यांच्याकडे लेखी तक्रार केली असून, “संभाजी भिडे आणि त्यांच्या समर्थकांकडून माझ्या आणि कुटुंबाच्या जिवाला धोका आहे,” असे स्पष्ट केले आहे.

विकास लवांडे यांनी त्यांच्या व्हिडिओमध्ये म्हटले होते की, “संभाजी भिडे इस्लामिक दहशतवादासारखी हिंदू आतंकवादी मानसिकता तयार करत आहेत.” त्यावरून शिवप्रतिष्ठानच्या समर्थकांनी त्यांच्यावर जोरदार हल्लाबोल केला आहे.

तक्रारीत कोणते आरोप करण्यात आले?

• सोशल मीडियावर व्हिडिओ व्हायरल करून धमक्या दिल्या जात आहेत.
• विकास लवांडे यांच्या मुलालाही धमकीचे फोन आले आहेत.
• संभाजी भिडे आणि समर्थक धर्मांधता पसरवत आहेत.
• भारतीय संविधानाच्या विरोधात काम केलं जात आहे.

या प्रकरणावरून आता मोठी राजकीय आणि सामाजिक खळबळ उडाली आहे. राज्य सरकार आणि पोलिस प्रशासन यावर काय निर्णय घेणार, याकडे सर्वांचे लक्ष लागले आहे.

English Title: Vikas Lawande Files Complaint Against Sambhaji Bhide

“माझा भाऊ…”; अजित पवार यांचा भाऊ श्रीनिवास पवार यांच्याबद्दल धक्कादायक खुलासा

पोलिस अधिकाऱ्याच्या मुलीने दारु पिऊन… अश्लील कृत्याचा व्हिडीओ व्हायरल!