Thane News | ठाणे (Thane City) शहरात वाहतूक कोंडी कमी करण्याच्या उद्देशाने सुरू असलेल्या दोन प्रमुख रस्ते विकास कामांसाठी मोठ्या प्रमाणावर वृक्षतोड केली जाणार आहे. घोडबंदर (Ghodbunder) सेवा रस्ता रुंदीकरण आणि किनारी रस्ता (Coastal road) बांधकामामुळे एकूण १,९५५ झाडे बाधित होणार असून, याला ठाणे महानगरपालिकेच्या (Thane Municipal Corporation – TMC) वृक्ष प्राधिकरणाने मंजुरी दिली आहे.

रस्ते विकास प्रकल्प आणि वृक्षतोडीची योजना

ठाणे शहरातील घोडबंदर (Ghodbandar) सेवा रस्त्याचे रुंदीकरण आणि किनारी रस्त्याचे काम सध्या प्रगतीपथावर आहे. या एकत्रित कामांमध्ये एकूण १,९५५ झाडांवर परिणाम होणार आहे.  या वृक्षतोडीच्या कार्यवाहीला ठाणे महानगरपालिकेच्या वृक्ष प्राधिकरणाने हिरवा कंदील दाखवला आहे.

घोडबंदर मार्गावर मेट्रोचे (Ghodbandar Metro) काम सुरू असल्याने आधीच वाहतुकीवर परिणाम झाला आहे आणि भविष्यातही ही समस्या कायम राहण्याची शक्यता वर्तवण्यात येत आहे. याचबरोबर, कापूरबावडी (Kapurbawdi) ते गायमुख (Gaimukh) पर्यंतच्या ९.३० किलोमीटर लांबीच्या रस्त्याचे काँक्रिटीकरण देखील नियोजित आहे. या काँक्रिटीकरणाच्या कामासाठी तब्बल ५६० कोटी रुपयांचा खर्च अपेक्षित आहे.

प्रशासकीय प्रक्रिया आणि माहितीचा अभाव

या वृक्षतोडी संदर्भातील खर्चाची जबाबदारी मुंबई महानगर प्रदेश विकास प्राधिकरण (Mumbai Metropolitan Region Development Authority – MMRDA) उचलणार असल्याचे वृक्ष प्राधिकरणाने स्पष्ट केले आहे. एमएमआरडीएनेच वृक्षतोडीचा प्रस्ताव पालिकेकडे पाठवला होता, ज्यामध्ये सुरुवातीला कापूरबावडी-गायमुख सेवा रस्त्यासाठी जास्त झाडे बाधित होण्याचा अंदाज होता, पण शक्यतो कमी झाडे तोडावीत या विचाराने अंतिम मंजुरी देण्यात आली. आता पालिकेने निविदा प्रक्रिया सुरू केली आहे.

बाधित होणाऱ्या २१९६ झाडांपैकी काही झाडे तोडली जाणार आहेत. त्यापैकी ५४९ झाडांचे पुर्नरोपन केले जाणार आहे. तथापि, बाधित होणाऱ्या झाडांच्या प्रजाती आणि त्यांचे वय याबाबतची माहिती देण्यास वृक्ष प्राधिकरणाने नकार दिला आहे. नागरिकांना ही माहिती हवी असल्यास, शुल्क भरून संबंधित अधिकाऱ्याकडे अर्ज करावा लागेल असे सांगण्यात आले.

Thane News Approves Felling 1955 Trees for Roadworks