बापरे! साड्यांच्या किंमती वाढल्या; मोजावे लागणार ‘इतके’ जास्त पैसे

On: May 23, 2024 11:33 AM

---Advertisement---

Kanchipuram Sarees l सोन्याच्या वाढत्या किमतीमुळे दागिने खरेदी करणाऱ्यांना प्रचंड त्रास सहन करावा लागत आहे. अशातच आता महिलांसाठी अत्यंत वाईट बातमी आहे. कारण दागिन्यांपाठोपाठ आता कांचीपुरम सिल्क साड्यांच्या खर्चातही प्रचंड वाढ झाली आहे. कारण कांचीपुरम सिल्क साड्या खरेदी करण्याचा हा पीक सीझन आहे. या काळात महिला लग्न समारंभासाठी कांचीपुरम सिल्क साड्या खरेदी करण्यावर जास्त भर देतात.

कांचीपुरम साड्यांची किंमत सरासरी किती आहे? :

मात्र आता कांचीपुरम सिल्क साड्यांच्या वाढत्या किमतीमुळे महिलांच्या खिशावर अधिक भार पडणार आहे. कारण सोन्याच्या गगनाला भिडलेल्या किमतींमुळे जगप्रसिद्ध कांचीपुरमच्या साड्या महागल्या आहेत. सोन्याच्या किमतीत सातत्याने वाढ होत असल्याने गेल्या आठ महिन्यांत कांचीपुरम सिल्क साड्यांच्या किमती तब्बल 50 टक्क्यांनी वाढल्या आहेत. त्यामुळे सोन्या-चांदीचा कमी वापर करणाऱ्या साड्यांकडे ग्राहक वळू लागले आहेत. कांचीपुरम सिल्क साड्यांच्या रिटेल टेक्सटाईल चेन ब्रँड RMKV च्या मते, किमती वाढल्यामुळे त्यांची 20% विक्री देखील कमी झाली आहे.

GI टॅग असलेल्या कांचीपुरम साड्यांची किंमत 20,000 ते 2.5 लाख रुपयांच्या दरम्यान आहे. महागडे सोने-चांदी आणि अशा साड्यांना कमी मागणी यामुळे प्रीमियम साड्यांचे उत्पादन ठप्प झाले आहे. गेल्या वर्षी ऑक्टोबरमध्ये सिल्क साडीची किंमत 70,000 रुपये होती, ती आता 1.2 लाख रुपये झाली आहे.

Kanchipuram Sarees l महिलांची कांचीपुरम सिल्क साडी खरेदी करण्यावर जास्त भर :

कांचीपुरम सिल्क साडी उत्पादकांच्या मते, गेल्या वर्षी ऑक्टोबर ते या वर्षी मे दरम्यान साड्यांच्या किमतीत 40%-50% वाढ झाली आहे. कांचीपुरम सिल्क साडीची किंमत प्रामुख्याने सोने आणि चांदीच्या किमतींनुसार ठरवली जाते कारण हे दोन्ही धातू पारंपारिक रेशमी साडीचा ‘झरी’ भाग बनवण्यासाठी आवश्यक आहेत.

सोन्या-चांदीचे मिश्रण नसलेल्या ‘झरी’ सोबत ग्राहकांनी हातमाग कांचीपुरम सिल्क साड्या खरेदी करण्यास सुरुवात केली आहे. याचा परिणाम व्यवसायावर आणि विणकरांवर मोठ्या प्रमाणात होत आहे. रेशीम, सोने आणि चांदीपासून विणलेल्या कांचीपुरम सिल्क साड्या विशेष प्रसंगी आणि सणांना परिधान केल्या जातात. ही साडी बॉर्डरवरील खास पॅटर्नसाठी लोकप्रिय आहे.