Shahrukh Khan | बॉलिवूडचा बादशाह, ज्याच्या सौम्य स्वभावाची आणि मैत्रीपूर्ण वागणुकीची उदाहरणं दिली जातात. मात्र एकदा त्याने सर्वांनाच धक्का दिला, जेव्हा एका पार्टीत त्याने आपल्या जवळच्या मैत्रिणीच्या पतीला सगळ्यांसमोर कानशिलात लगावली होती.
‘रा वन’वरून वाढला वाद :
शाहरुख खान आणि प्रसिद्ध कोरिओग्राफर-डायरेक्टर फराह खान यांचं सखोल मैत्र आहे. त्यांनी एकत्र अनेक यशस्वी सिनेमे दिले आहेत. पण फराहचा पती शिरीष कुंदर आणि शाहरुख यांच्यात मात्र नातं फारसं गोड नव्हतं. एकदा शिरीषने शाहरुखला एक सिनेमा ऑफर केला होता. पण स्क्रिप्ट शाहरुखला पसंत न पडल्यामुळे त्याने त्यात बदल सुचवले. वेळ वाया गेला आणि शिरीषने त्याच्या जागी अक्षय कुमारला घेऊन ‘तीस मार खान’ तयार केला.
या प्रकारानंतर शिरीषने शाहरुखच्या ‘रा वन’ सिनेमावर नकारात्मक ट्वीट्स सुरू केले. त्याने सिनेमाच्या गुणवत्तेवर आणि १५० कोटींच्या बजेटवर खिल्ली उडवणारी वक्तव्यं केली. त्याने लिहिलं, “‘रा वन’ सगळं करू शकतो, फक्त प्रेक्षकांचं मनोरंजन नाही करू शकत.” आणि “१५० कोटींचा फटाका… फुस्स.”
Shahrukh Khan | नंतर माफी मागितली:
ही सगळी पार्श्वभूमी असताना, संजय दत्तच्या ‘अग्निपथ’ सक्सेस पार्टीमध्ये शाहरुख आणि शिरीषची भेट झाली. पार्टीदरम्यान शिरीषने पुन्हा ‘रा वन’बाबत टीका केली, आणि तेव्हा शाहरुखचा संयम सुटला. त्याने थेट शिरीषच्या कानाखाली मारली. काहींनुसार फक्त थप्पडच नाही तर त्याला मुक्केही बसले.
या प्रकारामुळे फराह खाननेही नाराजी व्यक्त केली. पण नंतर शिरीष कुंदरने स्वतःहून शाहरुखची माफी मागितली आणि हे प्रकरण तिथेच शांत झालं. बॉलिवूडमधील संबंध ताणले गेले तरीही माफीने हे वाद मिटले.
