Samsung Launches Galaxy A07 | स्मार्टफोन बाजारात पुन्हा एकदा मोठी हालचाल झाली आहे. दक्षिण कोरियन टेक कंपनी Samsung ने भारतात तीन नवीन बजेट स्मार्टफोन लॉन्च केले आहेत. कमी किंमत आणि दमदार फीचर्स असलेल्या या फोनमध्ये Galaxy A07, Galaxy F07 आणि Galaxy M07 या मॉडेल्सचा समावेश आहे.
कमी बजेटमध्ये चांगला स्मार्टफोन शोधणाऱ्या ग्राहकांसाठी हे तीन फोन आकर्षक पर्याय ठरू शकतात. विशेष म्हणजे या तिन्ही फोनमध्ये अनेक फीचर्स जवळपास समान देण्यात आले आहेत.
डिस्प्ले, प्रोसेसर आणि कॅमेरा :
या नवीन सीरिजमधील Samsung Galaxy A07, Samsung Galaxy F07 आणि Samsung Galaxy M07 या तिन्ही फोनमध्ये 6.7 इंचाचा HD Plus PLS LCD डिस्प्ले देण्यात आला आहे. हा डिस्प्ले 90Hz रिफ्रेश रेटला सपोर्ट करतो, त्यामुळे स्क्रोलिंग आणि गेमिंगचा अनुभव अधिक स्मूथ मिळतो.
परफॉर्मन्ससाठी या फोनमध्ये MediaTek Helio G99 प्रोसेसर देण्यात आला आहे. कॅमेराबाबत बोलायचे झाल्यास फोनमध्ये 50 मेगापिक्सलचा मुख्य कॅमेरा आणि 2 मेगापिक्सलचा डेप्थ सेन्सर दिला आहे. सेल्फीसाठी 8 मेगापिक्सलचा फ्रंट कॅमेरा मिळतो.
Samsung Launches Galaxy A07 | बॅटरी, स्टोरेज आणि किंमत :
या तिन्ही स्मार्टफोनमध्ये 4GB RAM आणि 64GB इंटरनल स्टोरेज दिले आहे. मायक्रो SD कार्डच्या मदतीने स्टोरेज 2TB पर्यंत वाढवण्याची सुविधा देखील उपलब्ध आहे. सॉफ्टवेअरच्या बाबतीत हे फोन Android 15 आधारित One UI 7 वर चालतात.
बॅटरीबाबत बोलायचे झाल्यास फोनमध्ये 5000mAh बॅटरी देण्यात आली आहे, जी 25W फास्ट चार्जिंगला सपोर्ट करते. फोनला IP54 रेटिंगही देण्यात आले आहे, त्यामुळे धूळ आणि पाण्यापासून काही प्रमाणात संरक्षण मिळते.
किंमतीबाबत बोलायचे झाल्यास Galaxy A07 ची किंमत 8,999 रुपये आहे, Galaxy F07 7,699 रुपयांना उपलब्ध आहे, तर Galaxy M07 ची किंमत 6,999 रुपये ठेवण्यात आली आहे. त्यामुळे कमी बजेटमध्ये चांगले फीचर्स असलेला स्मार्टफोन घेऊ इच्छिणाऱ्यांसाठी हे तीन फोन उत्तम पर्याय ठरू शकतात.
