Salman Khan-Aishwarya Rai | बॉलिवूडमधील एकेकाळी सलमान खान आणि ऐश्वर्या राय यांच्या नात्याबद्दल कायम चर्चा असायच्या.मात्र, त्यांचे नाते फारकाळ टिकले नाही. अखेर वर्षांनंतर सलमान खान आणि ऐश्वर्या राय यांच्या ब्रेकअपबद्दल मोठा खुलासा झाला आहे. (Salman Khan-Aishwarya Rai)

वरिष्ठ पत्रकार आणि लेखक हानिफ झवेरी यांनी या ब्रेकअपच्या कारणांबद्दल आणि ऐश्वर्याच्या विवेक ओबेरॉय (Vivek Oberoi) सोबतच्या नात्याबद्दल माहिती दिली आहे. त्यांच्या म्हणण्यानुसार, सलमान आणि ऐश्वर्या एकमेकांच्या प्रेमात खोलवर होते, मात्र काही कारणांमुळे त्यांच्या नात्यात कटुता निर्माण झाली आणि ते वेगळे झाले.

सलमान-ऐश्वर्याला नात्याला पुढे न्यायचं होतं, पण… 

वरिष्ठ पत्रकार आणि लेखक हानिफ झवेरी यांनी दिलेल्या मुलाखतीत सांगितले की, सलमान आणि ऐश्वर्या यांच्यातील प्रेम खूप गंभीर होते आणि दोघेही त्याला पुढे नेण्याचा विचार करत होते. मात्र, त्यावेळी सलमानचे नाव इतर अभिनेत्रींसोबतही जोडले जात होते. सोमी अली (Somy Ali) आणि संगीता बिजलानी (Sangeeta Bijlani) यांच्यासोबत असलेल्या अफवा ऐश्वर्याच्या पालकांना पसंत नव्हत्या. त्यांना असे वाटत होते की सलमान फक्त फ्लर्ट करत आहे आणि त्यांच्या मुलीसोबत गंभीर नाही.

यानंतर आणखी एक मोठे कारण समोर आले की, सलमानला ऐश्वर्याशी लग्न करायचे होते, मात्र त्या काळात ऐश्वर्या करिअरवर लक्ष केंद्रित करू इच्छित होती आणि लग्नासाठी तयार नव्हती. या कारणांमुळे दोघांमध्ये मतभेद वाढले. सलमानने दारूच्या नशेत ऐश्वर्याच्या इमारतीत जाऊन गोंधळ घातला, ज्यामुळे परिस्थिती आणखी बिघडली आणि अखेर ऐश्वर्याने त्याच्याशी संबंध तोडण्याचा निर्णय घेतला.

विवेक ओबेरॉयसोबतच्या नात्याचे सत्य

सलमानपासून वेगळे झाल्यानंतर ऐश्वर्याचे नाव विवेक ओबेरॉयसोबत जोडले गेले. मात्र, हानिफ झवेरी यांनी सांगितले की हे नाते प्रत्यक्षात अस्तित्वातच नव्हते. ऐश्वर्याला फ्रॅक्चर झाल्यामुळे विवेक तिची मदत करत होता. तो तिला रुग्णालयात घेऊन जात होता आणि व्हीलचेअरवर फिरवत होता. यामुळे असे वाटले की दोघांमध्ये काही तरी विशेष आहे, पण प्रत्यक्षात तसे काहीच नव्हते. (Salman Khan-Aishwarya Rai)

विवेक ओबेरॉयला ही संधी साधून काहीतरी मिळवण्याची इच्छा होती. त्याने या परिस्थितीचा फायदा घेतला आणि पत्रकार परिषद घेऊन सलमानविरोधात वक्तव्ये केली. मात्र, त्याचे हे वागणे त्याला महागात पडले. हानिफ झवेरी यांच्या मते, ऐश्वर्याने कधीच विवेकवर प्रेम केले नव्हते आणि त्यांच्यातील नाते फक्त एका दिशेने होते. अखेर 2007 मध्ये ऐश्वर्याने अभिषेक बच्चन (Abhishek Bachchan) याच्यासोबत लग्न. दोघांना आराध्या (Aaradhya) नावाची मुलगी देखील आहे.

Title : Salman Khan-Aishwarya Rai Breakup Real Reason Revealed