Pune Swargate Rape | पुण्यातील स्वारगेट बसस्थानकात ( Pune Swargate Rape) शिवशाही बसमध्ये (Shivshahi Bus) तरुणीवर झालेल्या बलात्कार प्रकरणात नवीन माहिती समोर आली आहे. पीडितेच्या वैद्यकीय अहवालात (Medical Report) तिच्यावर एकदा नाही, तर दोनदा लैंगिक अत्याचार (Sexual Assault) झाल्याचे स्पष्ट झाले आहे. ससून रुग्णालयाने (Sassoon Hospital) हा अहवाल पोलिसांकडे (Police) पाठवला आहे.

वैद्यकीय अहवालातील धक्कादायक माहिती

सोमवारी पहाटे घडलेल्या या घटनेनंतर पीडितेची वैद्यकीय तपासणी करण्यात आली. या तपासणी अहवालात तिच्यावर दोनदा लैंगिक अत्याचार झाल्याचे उघड झाले आहे, ज्यामुळे या प्रकरणाची गंभीरता अधिक वाढली आहे. स्वारगेट आगाराच्या नियंत्रक मोहिनी ढेरे (Mohini Dhere) यांचीही पोलिसांकडून चौकशी करण्यात आली आहे.

शिवसेना ठाकरे गटाची तोडफोड

या घटनेनंतर शिवसेना ठाकरे गटाने (Shiv Sena Thackeray Group) संतप्त होऊन स्वारगेट बस स्थानकात घुसून तोडफोड केली. सुरक्षा रक्षकांच्या कार्यालयाची तोडफोड करण्यात आली. शिवसेना ठाकरे गटाचे नेते वसंत मोरे (Vasant More) यांनी या प्रकरणात गंभीर आरोप केले आहेत.

वसंत मोरे यांचे गंभीर आरोप

वसंत मोरे यांनी सांगितले की, “मागील बाजूला उभ्या असलेल्या चार एसटी बस म्हणजे जणू लॉज बनले आहेत. तिथे बेडशीट, रग, महिलांच्या साड्या आणि कंडोम (Condom) सापडले आहेत. या घटनेमध्ये सुरक्षा कर्मचाऱ्यांचा हात असल्याचा संशय आहे. गाडी सुरक्षा कर्मचाऱ्याच्या केबिनसमोर उभी असतानाही ही घटना लक्षात कशी आली नाही?” असा सवाल त्यांनी उपस्थित केला आहे. ( Pune Swargate Rape)

 Title :  Pune Swargate Rape Medical Report Confirms Double Assault on Victim