Pune News | पुण्यात राहून नोकरी करणाऱ्या लाखो कर्मचाऱ्यांसाठी दिलासादायक अशी बातमी समोर आली आहे. 1 एप्रिलपासून प्राप्तिकराच्या नियमांमध्ये होणाऱ्या बदलामुळे पुणेकरांच्या हातात येणारा पगार वाढण्याची शक्यता आहे. विशेष म्हणजे या बदलामुळे घरभाडे भत्ता म्हणजेच HRA वर अधिक करसवलत मिळणार असून, भाड्याच्या घरात राहणाऱ्या कर्मचाऱ्यांना मोठा आर्थिक फायदा होणार आहे. (Income Tax Rule Change 2026)
पुण्यात आयटी, ऑटोमोबाईल आणि विविध सेवा क्षेत्रांमध्ये काम करणाऱ्या मोठ्या प्रमाणातील कर्मचारी वर्गासाठी हा निर्णय महत्त्वाचा ठरणार आहे. आतापर्यंत मुंबई आणि दिल्लीसारख्या शहरांनाच मिळणारा काही करसवलतींचा फायदा आता पुणेकरांनाही मिळणार असल्याने अनेकांच्या मासिक बचतीत वाढ होण्याची शक्यता व्यक्त केली जात आहे.
HRA सवलतीत वाढ; पुण्यालाही मिळणार मेट्रोसारखा फायदा :
प्राप्तिकर नियमांनुसार, कर्मचाऱ्यांना मिळणाऱ्या घरभाडे भत्त्यावर (HRA) विशिष्ट मर्यादेपर्यंत करसवलत दिली जाते. आतापर्यंत मुंबई, दिल्ली, चेन्नई आणि कोलकाता या शहरांना मेट्रो शहरांचा दर्जा देण्यात आला होता. या शहरांमध्ये राहणाऱ्या कर्मचाऱ्यांना त्यांच्या बेसिक सॅलरीच्या 50 टक्क्यांपर्यंत HRA सवलत मिळत होती.
मात्र पुण्यासह बेंगळुरू, हैदराबाद आणि अहमदाबादसारख्या मोठ्या शहरांमध्ये घरभाडे मोठ्या प्रमाणात वाढले असतानाही येथे ही मर्यादा फक्त 40 टक्के होती. आता 1 एप्रिलपासून पुणे या विशेष श्रेणीत समाविष्ट होणार असल्यामुळे कर्मचाऱ्यांना बेसिक पगाराच्या 50 टक्क्यांपर्यंत HRA वर करसवलत मिळू शकते. (HRA Tax Benefit Pune)
Pune News | दरवर्षी हजारोंची बचत; हातात येणारा पगार वाढणार :
करतज्ज्ञांच्या मते, या बदलामुळे मध्यम आणि उच्च उत्पन्न गटातील कर्मचाऱ्यांना मोठा फायदा होऊ शकतो. HRA वर अधिक सवलत मिळाल्याने करपात्र उत्पन्न कमी होईल आणि परिणामी दरमहा हातात येणारा पगार वाढेल.
अंदाजानुसार, काही कर्मचाऱ्यांना वर्षभरात सुमारे 60 हजार ते 1.20 लाख रुपयांपर्यंत करसवलत मिळू शकते. त्यामुळे मासिक पगारातून कापला जाणारा कर कमी होऊन बचत वाढण्यास मदत होईल. विशेषतः आयटी क्षेत्रातील कर्मचाऱ्यांना याचा अधिक लाभ होण्याची शक्यता व्यक्त केली जात आहे.
‘या’ कर्मचाऱ्यांनाच मिळणार फायदा :
मात्र हा फायदा सर्वांना मिळणार नाही. ही सवलत केवळ जुन्या करप्रणालीचा (Old Tax Regime) पर्याय निवडणाऱ्या कर्मचाऱ्यांनाच लागू होणार आहे. नवीन करप्रणाली (New Tax Regime) स्वीकारलेल्या कर्मचाऱ्यांना HRA वरील सवलत मिळत नाही. (HRA Tax Benefit Pune)
त्यामुळे ज्यांचे घरभाडे जास्त आहे आणि जे कर्मचारी जुन्या करप्रणालीत आहेत, त्यांनाच या बदलाचा सर्वाधिक फायदा मिळेल. मात्र कमी उत्पन्न असलेल्या किंवा कमी भाडे देणाऱ्या कर्मचाऱ्यांसाठी नवीन करप्रणाली अधिक फायदेशीर ठरू शकते.
कागदपत्रे अनिवार्य; नियमही झाले कडक :
या सवलतीचा लाभ घेताना काही नियमांचे पालन करणे आवश्यक आहे. जर कर्मचारी आपल्या पालकांना किंवा नातेवाईकांना भाडे देत असतील, तर त्याचे योग्य पुरावे ठेवणे बंधनकारक असेल. तसेच घरमालकाचा पॅन नंबर आणि भाड्याच्या पावत्या सादर करणेही आवश्यक राहणार आहे. (Income Tax Rule Change 2026)
1 एप्रिलपासून हा बदल लागू होत असल्याने कर्मचाऱ्यांनी आपल्या कंपनीच्या HR विभागाशी संपर्क साधून करगणना तपासून घेणे आवश्यक आहे. योग्य कागदपत्रांसह दावा केल्यास पुणेकरांना या नव्या नियमाचा चांगला आर्थिक फायदा होऊ शकतो.
