Juhi Chawla | बॉलिवूडची (Bollywood) एकेकाळची आघाडीची आणि लोकप्रिय अभिनेत्री जुही चावला (Juhi Chawla) आजही तिच्या हास्यामुळे आणि अभिनयामुळे प्रेक्षकांच्या मनात घर करून आहे. सध्या ती मोठ्या पडद्यापासून दूर असली, तरी सोशल मीडियावरील तिच्या वावरामुळे आणि खासगी आयुष्यामुळे ती अनेकदा चर्चेत असते. तिच्या व्यावसायिक कारकिर्दीप्रमाणेच तिचे वैयक्तिक आयुष्य, विशेषतः उद्योगपती जय मेहता (Jay Mehta) यांच्याशी झालेले तिचे लग्न, नेहमीच चर्चेचा विषय ठरले. अनेकांनी तिच्यावर ‘फक्त पैशांसाठी वयस्कर व्यक्तीशी लग्न केले’ असा आरोप केला होता, पण त्यामागील सत्य मात्र खूप भावनिक आहे.
गुप्त ठेवलेले लग्न
१९९० चे दशक जुही चावलाने आपल्या अभिनयाने गाजवले. ती लोकप्रियतेच्या शिखरावर असताना, १९९५ मध्ये तिने उद्योगपती जय मेहता यांच्याशी गुपचूप लग्न केले. जय मेहता हे जुहीपेक्षा वयाने पाच वर्षांनी मोठे होते आणि त्यांची पहिली पत्नी सुजाता बिर्ला (Sujata Birla) यांचे निधन झाले होते. आपले लग्न जाहीर केल्यास त्याचा परिणाम करिअरवर होईल, या भीतीने जुहीने सुरुवातीला आपले लग्न लपवून ठेवले होते.
जेव्हा अखेर तिच्या लग्नाची बातमी सर्वांना समजली, तेव्हा अनेकांनी तिला ट्रोल केले. केवळ पैशांसाठी तिने एका ‘म्हाताऱ्या’ व्यक्तीशी लग्न केले, अशा प्रकारच्या अत्यंत बोचऱ्या आणि वाईट कमेंट्स त्यावेळी करण्यात आल्या होत्या. तिची खिल्लीही उडवण्यात आली. मात्र, या सर्व टीकेवर आणि आरोपांवर जुही चावलाने कधीही कोणतेही सार्वजनिक वक्तव्य केले नाही किंवा प्रतिक्रिया दिली नाही.
दुःखाच्या काळात एकमेकांना दिला आधार
जुही आणि जय मेहता यांच्या लग्नावर टीका करणाऱ्या अनेकांना त्यांच्या नात्यामागची भावनिक पार्श्वभूमी कदाचित माहीत नसेल. रिपोर्टनुसार, जय मेहता यांच्या पहिल्या पत्नी, सुजाता बिर्ला, यांचे एका विमान अपघातात (Plane Crash) दुःखद निधन झाले होते. हा जय यांच्यासाठी मोठा आघात होता. योगायोगाने, याच घटनेच्या काही काळानंतर जुही चावलाच्या आईचेही निधन झाले. त्यामुळे जुहीवरही दुःखाचा डोंगर कोसळला होता.
आपल्या आयुष्यातील अत्यंत महत्त्वाच्या व्यक्ती गमावल्याच्या या कठीण काळात, जुही आणि जय, जे आधीपासून चांगले मित्र होते, त्यांनी एकमेकांना भावनिक आधार दिला. दुःखाच्या काळात एकमेकांच्या साथीने ते सावरले आणि अनेक वर्षांच्या मैत्रीनंतर त्यांनी लग्न करण्याचा निर्णय घेतला. लोकांनी जरी त्यांच्या नात्यावर टीका केली असली, तरी त्यांनी कठीण काळात एकमेकांना दिलेला आधार हा त्यांच्या नात्याचा खरा पाया होता. लग्नानंतर जुहीने एका मुलीला आणि मुलाला जन्म दिला असून, आता ती आपल्या कुटुंबासोबत आनंदी जीवन जगत आहे आणि सोशल मीडियाद्वारे चाहत्यांच्या संपर्कात असते.
Title : Juhi Chawla Jay Mehta Marriage Story Criticism Truth
