Maharashtra Weather Update | महाराष्ट्रात पुन्हा एकदा हवामानाचा अनपेक्षित खेळ सुरू झाला आहे. मार्चच्या सुरुवातीपासून वाढत असलेली उष्णता आणखी तीव्र होण्याचा अंदाज वर्तवण्यात आला आहे. त्याचवेळी वातावरणातील बदलांमुळे काही भागांत वादळी वाऱ्यांसह अवकाळी पावसाची शक्यता निर्माण झाली आहे. या पार्श्वभूमीवर हवामान विभागाने नागरिकांना सतर्क राहण्याचे आवाहन केले आहे.
उष्णतेची लाट आणि पावसाची शक्यता :
राज्यातील हवामानाबाबत भारतीय हवामान विभाग (India Meteorological Department) यांनी महत्त्वाचा इशारा दिला आहे. वाढत्या तापमानामुळे अनेक भागांत उष्णतेची लाट जाणवू शकते, तर वातावरणातील बदलांमुळे काही जिल्ह्यांमध्ये वादळी वारे आणि अवकाळी पावसाचा अंदाज व्यक्त करण्यात आला आहे. त्यामुळे राज्यात उष्णता आणि पावसाचा मिश्र परिणाम पाहायला मिळू शकतो.
आज १३ मार्च २०२६ रोजी बहुतांश भागात उष्ण आणि कोरडे हवामान राहण्याची शक्यता आहे. मात्र पुढील २४ ते ४८ तासांत परिस्थितीत बदल होऊ शकतो. कोकण (Konkan), मध्य महाराष्ट्र (Central Maharashtra), मराठवाडा (Marathwada) आणि विदर्भ (Vidarbha) या भागांमध्ये वेगवेगळ्या प्रकारचे हवामान अनुभवायला मिळण्याची शक्यता आहे. कोकण पट्ट्यात मुंबई (Mumbai), ठाणे (Thane), रायगड (Raigad) आणि पालघर (Palghar) या जिल्ह्यांमध्ये पुढील दोन दिवस उष्ण व दमट वातावरण राहण्याचा अंदाज व्यक्त करण्यात आला असून या भागांसाठी यलो अलर्ट जारी करण्यात आला आहे. या कालावधीत कमाल तापमान ३६ ते ३९ अंश सेल्सिअस तर किमान तापमान २३ ते २७ अंशांदरम्यान राहू शकते.
Maharashtra Weather Update | विविध भागांत वेगवेगळे हवामान :
मध्य महाराष्ट्रातील पुणे (Pune), सातारा (Satara), सांगली (Sangli), सोलापूर (Solapur) आणि कोल्हापूर (Kolhapur) या जिल्ह्यांमध्ये आज उष्ण व कोरडे वातावरण राहील. मात्र पुढील २४ तासांत हवामानात अचानक बदल होण्याची शक्यता आहे. काही भागांत विजांच्या कडकडाटासह वादळी वारे आणि अवकाळी पावसाची शक्यता हवामान विभागाने व्यक्त केली आहे. या भागात कमाल तापमान ३५ ते ३८ अंश सेल्सिअस तर किमान तापमान १८ ते २३ अंशांच्या दरम्यान राहण्याची शक्यता आहे.
उत्तर महाराष्ट्रातील नाशिक (Nashik), धुळे (Dhule), नंदुरबार (Nandurbar) आणि जळगाव (Jalgaon) या जिल्ह्यांमध्ये तापमान झपाट्याने वाढले आहे. अनेक ठिकाणी तापमानाचा पारा ४० अंशांच्या जवळ पोहोचला आहे आणि आजही ३८ ते ४० अंशांपर्यंत तापमान जाण्याचा अंदाज आहे. मराठवाड्यातील छत्रपती संभाजीनगर (Chhatrapati Sambhajinagar) आणि इतर जिल्ह्यांमध्ये सध्या उष्ण व कोरडे वातावरण राहणार असले तरी पुढील २४ तासांनंतर वादळी वाऱ्यांसह पावसाची शक्यता व्यक्त करण्यात आली आहे. (Maharashtra Weather Update)
विदर्भात परिस्थिती आणखी वेगळी आहे. मार्चच्या सुरुवातीपासूनच येथे तापमान ४० अंशांच्या आसपास आहे. आता या भागात उष्णतेसोबतच अवकाळी पावसाचा अंदाज व्यक्त करण्यात आला आहे. चंद्रपूर (Chandrapur) आणि यवतमाळ (Yavatmal) जिल्ह्यांना यलो अलर्ट देण्यात आला असून शनिवारपासून विदर्भातील अनेक भागांत पावसाची शक्यता वर्तवण्यात आली आहे. तज्ज्ञांच्या मते वातावरणातील बदल, तापमानातील वाढ आणि स्थानिक हवामान प्रणाली यामुळे हा बदल होत आहे.
