Dhananjay Deshmukh | राज्यातील चर्चेचा विषय ठरलेल्या संतोष देशमुख (Santosh Deshmukh) हत्या आणि पीकविमा घोटाळ्याप्रकरणी भाजप आमदार सुरेश धस (Suresh Dhas) हे सातत्याने धनंजय मुंडे (Dhananjay Munde) यांच्यावर आरोप करत होते. मात्र, गेल्या आठवड्यात त्यांनी धनंजय मुंडेंची गुप्त भेट घेतल्याने राजकीय वर्तुळात मोठी खळबळ उडाली. या भेटीनंतर त्यांच्यावर टीका होत असताना त्यांनी पुन्हा एकदा धनंजय मुंडेंवर गंभीर आरोप करत संतोष देशमुख यांच्या कुटुंबीयांची भेट घेतली. (Dhananjay Deshmukh)

ग्रामस्थांचा आक्रोश आणि सुरेश धस यांची भूमिका

सुरेश धस यांनी मस्साजोग (Massajog) गावात जाऊन मयत संतोष देशमुख यांचे भाऊ धनंजय देशमुख (Dhananjay Deshmukh) यांच्याशी चर्चा केली. या भेटीदरम्यान ग्रामस्थांनी पोलिस आणि गुंडांच्या कथित संगनमतावर रोष व्यक्त केला.

ग्रामस्थांनी मुख्यमंत्री देवेंद्र फडणवीस यांनी पोलीस अधीक्षक बदलले हे योग्य पाऊल मानले, मात्र खालच्या स्तरातील पोलीस अधिकारी आणि त्यांच्या संबंधांवर प्रश्नचिन्ह उपस्थित केले.

“पोलीस उप अधीक्षक आणि इतर अधिकारी गुन्हेगारांचे सहकारी आहेत, त्यांच्यावर कारवाई झाली पाहिजे,” अशी मागणी ग्रामस्थांनी केली. सुरेश धस यांनी “या अधिकाऱ्यांची संपूर्ण यादी द्या, आम्ही बदल्या करण्याची मागणी करू,” असे आश्वासन दिले.

25 तारखेनंतर आंदोलनाची चेतावणी

धनंजय देशमुख आणि ग्रामस्थांनी “जर लवकरात लवकर आरोपींना अटक झाली नाही आणि पोलिस अधिकाऱ्यांवर कारवाई झाली नाही, तर २५ तारखेनंतर कुणाचंही ऐकणार नाही,” असा इशारा दिला.

विशेषतः आरोपी कृष्णा आंधळे (Krishna Andhale) अजूनही फरार असल्याने ग्रामस्थांमध्ये नाराजी आहे. “तो सराईत गुन्हेगार आहे आणि पोलिस त्याला अटक करत नाहीत,” असे धनंजय देशमुख (Dhananjay Deshmukh) म्हणाले.

तसेच, “पोलीस अधिकारी राजेश महाजन आणि वायभसे यांना सहआरोपी करण्यात यावे,” अशी मागणीही ग्रामस्थांनी केली. या मागण्या मुख्यमंत्री देवेंद्र फडणवीस (Devendra Fadnavis) यांच्यापर्यंत पोहोचवण्याचे आश्वासन आमदार सुरेश धस यांनी दिले.

Title: Dhananjay Deshmukh serious warning