CIDCO Home Loan | नवी मुंबई आणि परिसरातील वाढत्या घरांच्या किमतींच्या पार्श्वभूमीवर CIDCO ने मोठा निर्णय घेतला आहे. सिडकोने आपल्या अधिकारी आणि कर्मचाऱ्यांना देण्यात येणाऱ्या गृहकर्जाची मर्यादा दुप्पट करण्याचा निर्णय घेतला आहे. या निर्णयामुळे अनेकांना घर खरेदी करणे अधिक सोपे होणार आहे. (CIDCO Home Loan)
आतापर्यंत सिडकोकडून अधिकारी आणि कर्मचाऱ्यांना 50 लाख रुपयांपर्यंत गृहकर्ज दिले जात होते. मात्र आता ही मर्यादा वाढवून थेट 1 कोटी रुपयांपर्यंत करण्यात आली आहे. त्यामुळे नवी मुंबईसह आसपासच्या भागात घर खरेदी करण्यासाठी मोठी आर्थिक मदत मिळणार आहे.
1 कोटी रुपयांपर्यंत कर्ज मिळणार :
सिडको प्रशासनाने घेतलेल्या या निर्णयानुसार अधिकारी आणि कर्मचाऱ्यांना आता जास्तीत जास्त 1 कोटी रुपयांपर्यंत गृहकर्ज मिळू शकणार आहे. यापूर्वी 50 लाख रुपयांची मर्यादा असल्यामुळे अनेकांना घर खरेदी करताना अतिरिक्त रक्कम बँकांकडून घ्यावी लागत होती.
घरांच्या वाढत्या किमतींमुळे कर्मचारी आणि अधिकाऱ्यांवर आर्थिक ताण वाढत होता. त्यामुळे गृहकर्जाची मर्यादा वाढवण्याची मागणी केली जात होती. अखेर सिडकोने या मागणीचा विचार करून कर्जाची मर्यादा दुप्पट करण्याचा निर्णय घेतला आहे.
CIDCO Home Loan | संचालक मंडळाकडून प्रस्तावाला मंजुरी :
या निर्णयासाठी सिडकोने 1989 च्या कर्मचारी कर्ज नियमांमध्ये सुधारणा करण्याचा प्रस्ताव मांडला होता. हा प्रस्ताव 11 मार्च रोजी झालेल्या संचालक मंडळाच्या बैठकीत सादर करण्यात आला आणि त्याला मंजुरीही देण्यात आली. (CIDCO Employees Loan)
नवी मुंबईत सध्या मोठ्या प्रमाणावर विकासकामे सुरू आहेत. Navi Mumbai International Airport, मेट्रो प्रकल्प आणि इतर पायाभूत सुविधांमुळे या भागातील घरांच्या किमती सातत्याने वाढत आहेत. त्यामुळे सिडकोने घेतलेल्या या निर्णयामुळे आता अधिकारी आणि कर्मचाऱ्यांना नवी मुंबई तसेच मुंबई महानगर प्रदेशात घर खरेदी करणे अधिक सोपे होणार आहे.
