अक्षय शिंदेचा एन्काऊंटर करणाऱ्या पोलिसांना 51 हजारांचं बक्षीस, कुणी केली घोषणा?

On: September 24, 2024 8:11 AM

big reward announced for the police who did Akshay Shinde encounter

---Advertisement---

Akshay Shinde Encounter | बदलापूर येथील एका शाळेत दोन चिमुकल्या मुलींवर अत्याचार करणारा आरोपी अक्षय शिंदे ( Akshay Shinde Encounter ) याचा काल 23 सप्टेंबररोजी सायंकाळी मुंब्रा बाह्यवळण मार्ग येथे पोलीस चकमकीत मृत्यू झाला. या घटनेत सहायक पोलिस निरीक्षक निलेश मोरे यांच्या पायाला गोळी लागल्याने ते जखमी झाले आहेत.

अक्षय शिंदेने अगोदर बंदूक घेत तीन राऊंड फायर केले, याला प्रत्युत्तर देताना आत्मरक्षणासाठी त्याचा एन्काऊंटर केल्याचं पोलिसांनी म्हटलं आहे. या एन्काऊंटरवरून विरोधी गटाकडून सत्ताधारी सरकारवर जोरदार टीका केली जात आहे. यावरून वेगवेगळे सवाल उपस्थित केले जात आहेत. याच प्रकरणी आता मनसे अध्यक्ष राज ठाकरे यांच्या पत्नी शर्मिला ठाकरे यांनी एक मोठी घोषणा केली आहे.

शर्मिला ठाकरे यांची मोठी घोषणा

शर्मिला ठाकरे यांनी एन्काऊंटर करणाऱ्या पोलिसांना प्रत्येकी 51 हजार रूपयांचे बक्षीस जाहीर केले आहे. याबाबत मनसेचे ठाणे जिल्हाप्रमुख अविनाश जाधव यांनी माहिती दिली. त्यांनी माध्यमांशी संवाद साधत याबाबत माहिती दिली.

“तीन-चार वर्षांच्या मुलीवर हात टाकताना मागेपुढे पाहिलं गेलं नाही. त्यामुळे जे झालं ते योग्य झालं, झालेल्या घटनेचे आम्ही समर्थन करतो. शर्मिला ठाकरे यांनी दोन्ही पोलिसांना 51 हजार रूपये बक्षीस जाहीर केलं आहे. पैसे महत्त्वाचे नाहीत तर त्यांच्या जीवावर बेतलं गेलं असतं, याचं उत्तर असंच दिलं गेलं पाहिजे.”, असं अविनाश जाधव म्हणाले. (Akshay Shinde Encounter)

तसेच राज ठाकरे स्वत: दोन्ही पोलिसांसोबत बोलणार आहेत. पण आता उपचार सुरू असतील तर त्यांना त्रास देऊ नका, असं त्यांचं मत आहे. जेव्हा त्यांना बरे वाटेल तेव्हा राज ठाकरे त्यांची नक्की विचारपूस करतील, असंही अविनाश जाधव यांनी म्हटलं.

नेमकं घडलं काय?

बदलापूरमध्ये ऑगस्ट महिन्यात एका शाळेतील दोन चिमुकल्या विद्यार्थिनींवर अत्याचार झाल्याचे प्रकरण समोर आले होते. या घटनेनंतर बदलापूर मध्ये मोठा राडा झाला होता. नागरिकांनी रेल्वे रुळावर उतरून आंदोलन केले होते. या आंदोलनाची दखल घेत राज्य शासनाने या प्रकरणाचा तपास करण्यासाठी एसआयटी नेमली होती. या प्रकरणी तपास करून कल्याण न्यायालयात आरोपपत्र दाखल करण्यात आले होते.

आता या प्रकरणात सोमवारी एका चकमकीत आरोपी अक्षय शिंदे ठार ( Akshay Shinde Encounter ) झाला आहे. त्याचा पोलिसांनी एन्काऊंटर केला आहे. सोमवारी सायंकाळी पोलीस आरोपी अक्षय शिंदेला तळोजा कारागृहातून बाहेर घेऊन जात असताना त्याने पोलीस अधिकाऱ्याची बंदूक हिसकावून पोलिसांवर गोळ्या झाडण्याचा प्रयत्न केला.त्यात पोलिसांनी स्वसंरक्षणार्थ अक्षयवर गोळीबार केला. यात आरोपी अक्षय शिंदे ठार झाला आहे.