Varun Chakravarthy | चॅम्पियन्स ट्रॉफी 2025 मध्ये शानदार कामगिरीनंतर भारतीय क्रिकेटपटू वरुण चक्रवर्तीने (Varun Chakravarthy) एक धक्कादायक खुलासा केला आहे. 2021 च्या T20 विश्वचषकात अपयशी ठरल्यानंतर त्याला भारतात परत न येण्याच्या धमक्या मिळाल्या होत्या. एवढेच नव्हे, तर काही लोकांनी त्याचा पाठलाग केल्याचेही त्याने सांगितले.
2021 T20 विश्वचषकानंतर आलेल्या धमक्या
वरुण चक्रवर्ती 2021 टी-20 वर्ल्ड कपमध्ये टीम इंडियाचा भाग होता, मात्र त्याची कामगिरी अपेक्षेप्रमाणे झाली नाही. भारतीय संघ ग्रुप स्टेजमध्येच स्पर्धेतून बाहेर पडला, आणि वरुणला तीन सामन्यांत एकही विकेट घेता आली नाही.
त्यानंतर त्याला संघातून वगळण्यात आले आणि तो तब्बल तीन वर्षे टीम इंडियात पुनरागमन करू शकला नाही. (Varun Chakravarthy)
वरुणने एका यूट्यूब मुलाखतीत सांगितले की, “2021 नंतर माझ्यावर प्रचंड टीका झाली. मला धमकीचे फोन आले, लोक माझ्या घरापर्यंत पोहोचले आणि बाईकवर पाठलाग केला. मी एअरपोर्टवरून घरी जात असताना काही लोकांनी मला घेरण्याचा प्रयत्न केला. त्या काळात मला लपून राहावे लागले.”
चॅम्पियन्स ट्रॉफी 2025 मध्ये दमदार पुनरागमन
वरुण चक्रवर्तीने IPL मधील उत्कृष्ट कामगिरीनंतर टीम इंडियात पुनरागमन केले आणि चॅम्पियन्स ट्रॉफी 2025 मध्ये भारतासाठी सर्वाधिक विकेट्स घेतल्या. तीन सामन्यांत 9 विकेट्स मिळवत तो चमकला आणि संघाच्या विजयानंतर त्याला प्रचंड प्रेम आणि सन्मान मिळत आहे.
Title : Varun Chakravarthy Received Threats After 2021 T20 WC Loss
