“संघींवर आता सिंहांच्या लव्ह जिहादचा धोका”, स्वरा भास्करची पोस्ट चर्चेत

On: February 19, 2024 5:24 PM

Swara Bhaskar post on the dispute over the names of lions Akbar and Sita

---Advertisement---

Swara Bhaskar | भारतात सध्या एक मुद्दा चांगलाच गाजत आहे. सिलगुडीमधील ‘उत्तर बंगाल वन्यपशू उद्यान’ मध्ये अकबर व सीता नावाच्या सिंहांची जोडी आहे. सिंहाचे नाव अकबर आणि सिंहिणीचे नाव सीता असल्याने विश्व हिंदू परिषदेच्या बंगाल शाखेने त्यावर आक्षेप घेतला आहे. यावरूनच आता अभिनेत्री स्वरा भास्कर (Swara Bhaskar) हीने थेट ‘लव्ह जिहाद’चा उल्लेख केला आहे.

अभिनेत्री स्वरा भास्करने एक पोस्ट करत या प्रकरणावर आपली प्रतिक्रिया दिली आहे. या प्रकरणावर आक्षेप घेणाऱ्यांची तिने खिल्ली उडवली आहे. स्वराने एक्सवर (पूर्वीचे ट्वीटर) या संदर्भात पोस्ट केली आहे. यामुळे हे प्रकरण अजूनच चर्चेत आले आहे.

स्वरा भास्करची पोस्ट चर्चेत

“संघींवर आता सिंहांच्या लव्ह जिहादचा धोका आहे. आपण भारतात या अशा मूर्खपणाला मध्यवर्ती स्थान दिलं आहे!”,अशी पोस्ट स्वराने केली आहे. तिची ही पोस्ट आता चांगलीच व्हायरल होत आहे. लव्ह जिहादचा मुद्दा काढल्याने स्वराला (Swara Bhaskar) आता ट्रोलही केलं जात आहे.

Sanghis now floating Lion-Love-Jehad crisis ????????????????
The searing idiocy that we have given centre stage to in India… ???????? https://t.co/iuyKROynMx

— Swara Bhasker (@ReallySwara) February 17, 2024

नेमकं प्रकरण काय?

सिलगुडीमधील ‘उत्तर बंगाल वन्यपशू उद्यान’ मध्ये ‘अकबर’ नावाच्या सिंहाबरोबर ‘सीता’ नावाच्या सिंहिणीला ठेवण्यात आल्याने नवीन वाद सुरू झाला आहे. यावर विश्व हिंदू परिषदेने कोलकत्ता उच्च न्यायालयात याचिका दाखल केली आहे.

या प्रकरणावर आता 20 फेब्रुवारी रोजी सुनावणी होणार आहे. “प्राण्यांची अदलाबदल केल्यानंतर सिलीगुडी ॲनिमल पार्कने सिंहिणीचे ‘सीता’ आणि सिंहाचे ‘अकबर’ असे नामकरण केले. असे करून त्यांनी सनातन धर्माशी संबंधित धार्मिक भावना दुखावल्या आहेत.”, असा आरोप विश्व हिंदू परिषदेने केला आहे. या प्रकरणीच स्वरा भास्करने (Swara Bhaskar) केलेली पोस्ट चर्चेत आली आहे.

विश्व हिंदू परिषदेचे येथील प्रमुख दुलाल चंद्र राय म्हणाले की, “असे कसे होऊ शकते? यामुळे आमच्या धार्मिक भावनांना धक्का नाही का लागणार? आम्ही एका कार्यालयातून दुसऱ्या कार्यालयात गेलो पण आमचे काहीही ऐकून घेतले नाही. त्यामुळे आता आम्ही न्यायालयात गेलो आहोत.” या प्रकरणी विश्व हिंदू परिषदेने सिंह आणि सिंहिणीचे नावे बदलण्याची विनंती केली असून, ज्यांनी ही नावे दिली आहेत त्यांच्यावर कारवाई करावी अशी मागणी देखील केली आहे.