Sunetra Pawar Video | उपमुख्यमंत्री अजित पवार यांच्या अपघाती निधनानंतर संपूर्ण महाराष्ट्र शोकसागरात बुडाला आहे. बारामतीजवळ झालेल्या विमान दुर्घटनेने राज्याचा एक बलाढ्य नेता हिरावून नेला असून, त्यांच्या अंत्यसंस्कारासाठी आज विद्या प्रतिष्ठानच्या मैदानावर प्रचंड जनसमुदाय उपस्थित आहे. प्रत्येकाच्या डोळ्यांत अश्रू आणि मनात दुःखाची सल आहे.
अंत्यसंस्कारस्थळी अश्रूंनी भरलेली शांतता :
या भावनिक क्षणांत अजित पवार (Ajit Pawar) यांच्या पार्थिवाचे अंत्यदर्शन घेण्यासाठी सुप्रिया सुळे यांनी सुनेत्रा पवार यांचा हात धरून त्यांना पुढे आणलेला क्षण अनेकांच्या काळजाला चटका लावणारा ठरला. पत्नी म्हणून सुनेत्रा पवार आपल्या आयुष्याच्या जोडीदाराला अखेरचा निरोप देताना पाहून उपस्थितांचे कंठ दाटले, मन भरून आले आणि वातावरण सुन्न झाले.
आज बारामती येथील विद्या प्रतिष्ठानच्या मैदानावर अजित पवार यांच्या पार्थिवावर अंत्यसंस्कार पार पडले आहेत. सकाळपासूनच हजारो कार्यकर्ते, समर्थक आणि नागरिक आपल्या लाडक्या नेत्याला शेवटचा निरोप देण्यासाठी येथे दाखल झाले होते. (Sunetra Pawar Video)
Sunetra Pawar Video | सुनेत्रा पवारांचा भावनिक क्षण :
अजित पवार यांच्या पार्थिवाचं अंत्यदर्शन घेताना सुनेत्रा पवार भावूक झालेल्या दिसून आल्या. त्यांना आधार देत सुप्रिया सुळे यांनी हात धरून पुढे आणलेला तो क्षण पाहून उपस्थितांचे डोळे पाणावले. आपल्या आयुष्याचा जोडीदार गमावल्याचं दुःख त्यांच्या चेहऱ्यावर स्पष्टपणे दिसत होतं, आणि ते दृश्य पाहून अनेकांचे मन भरून आलं. (Sunetra Pawar Video)
हा प्रसंग केवळ पवार कुटुंबासाठीच नव्हे, तर संपूर्ण महाराष्ट्रासाठी वेदनादायक ठरला. अजित पवार यांनी महाराष्ट्राच्या राजकारणावर उमटवलेली छाप, जनतेशी असलेलं नातं आणि कार्यकर्त्यांशी जिव्हाळ्याचं संबंध यामुळे ते कायम लोकांच्या स्मरणात राहतील.
