Shreyas Iyer | आयसीसी टी20 वर्ल्डकप 2026 स्पर्धेला अवघे काही दिवस शिल्लक असताना भारतीय संघात मोठी घडामोड घडण्याची शक्यता आहे. टीम इंडियाच्या 15 सदस्यीय संघाची घोषणा आधीच करण्यात आली आहे, मात्र संघातील एक महत्त्वाचा खेळाडू दुखापतग्रस्त झाल्याने निवड समितीसमोर नवा पर्याय शोधण्याचं आव्हान उभं राहिलं आहे. यामुळे अनुभवी फलंदाज श्रेयस अय्यरचं नशीब पुन्हा एकदा चमकण्याची शक्यता वर्तवली जात आहे. (Shreyas Iyer T20 World Cup)
टी20 क्रिकेटमधून काही काळ दूर असलेला श्रेयस अय्यर दुखापतीतून सावरून पुन्हा फॉर्ममध्ये आला आहे. विशेष म्हणजे आयपीएल 2025 मध्ये त्याने केलेली दमदार फलंदाजी सध्या निवडकर्त्यांचं लक्ष वेधून घेत आहे. त्यामुळे वर्ल्डकप संघात बदल झाल्यास अय्यरला संधी मिळण्याची शक्यता नाकारता येत नाही.
तिलक वर्माच्या दुखापतीने वाढली चिंता :
टी20 वर्ल्डकपसाठी निवडण्यात आलेला डावखुरा फलंदाज तिलक वर्मा सध्या दुखापतीमुळे चर्चेत आहे. विजय हजारे ट्रॉफी दरम्यान त्याला दुखापत झाल्यानंतर तातडीची शस्त्रक्रिया करण्यात आली असून, पूर्णपणे तंदुरुस्त होण्यासाठी त्याला तीन ते चार आठवड्यांचा कालावधी लागू शकतो. त्यामुळे 21 जानेवारीपासून सुरू होणाऱ्या न्यूझीलंडविरुद्धच्या टी20 मालिकेत त्याचा सहभाग संशयात आहे.
तिलक वर्मा (Tilak Varma Injury Update) वर्ल्डकपपूर्व सराव सामन्यांपासून दूर राहिल्यास, त्याची जागा कोण घेणार यावर चर्चा सुरू झाली आहे. संघ व्यवस्थापनाला मधल्या फळीत विश्वासार्ह आणि अनुभवी फलंदाजाची गरज भासणार असून, याच कारणामुळे श्रेयस अय्यर हा पहिला पर्याय मानला जात आहे.
Shreyas Iyer | आयपीएलमधील फॉर्म ठरतोय निर्णायक; अय्यर आघाडीवर :
श्रेयस अय्यर डिसेंबर 2023 नंतर टी20 आंतरराष्ट्रीय क्रिकेटमध्ये दिसलेला नाही. मात्र आयपीएल 2025 मध्ये त्याने जबरदस्त पुनरागमन केलं आहे. 17 सामन्यांमध्ये 50 पेक्षा जास्त सरासरी आणि 175 हून अधिक स्ट्राईक रेटने 604 धावा करत त्याने आपली उपयुक्तता सिद्ध केली आहे. सहा अर्धशतकांसह अय्यरने मधल्या फळीत सातत्यपूर्ण कामगिरी केली आहे. (Team India Squad News)
तिसऱ्या ते पाचव्या क्रमांकावर फलंदाजी करण्याची क्षमता, मोठ्या सामन्यांचा अनुभव आणि दबावाखाली खेळण्याची सवय हे सगळे घटक अय्यरच्या बाजूने जात आहेत. त्यामुळे तिलक वर्मा वेळेत तंदुरुस्त झाला नाही, तर टी20 वर्ल्डकप संघात श्रेयस अय्यरची एन्ट्री होण्याची दाट शक्यता व्यक्त केली जात आहे.
