Ram Navami 2026 | हिंदू धर्मातील अत्यंत महत्त्वाचा सण म्हणजे राम नवमी. भगवान श्रीरामांचा जन्मोत्सव म्हणून हा सण देशभर मोठ्या भक्तिभावाने साजरा केला जातो. मात्र 2026 मध्ये राम नवमी नेमकी 26 मार्चला की 27 मार्चला साजरी करावी याबाबत अनेक भाविकांमध्ये गोंधळ निर्माण झाला आहे.
पंचांगातील तिथीच्या गणनेमुळे हा संभ्रम निर्माण झाला आहे. त्यामुळे यंदा राम नवमीची अचूक तारीख, शुभ मुहूर्त आणि पूजा करण्याची योग्य वेळ जाणून घेणे भाविकांसाठी महत्त्वाचे ठरत आहे.
राम नवमी 2026 ची अचूक तारीख :
हिंदू पंचांगानुसार चैत्र महिन्यातील नवमी तिथी 26 मार्च 2026 रोजी सकाळी 11 वाजून 48 मिनिटांनी सुरू होणार आहे. ही तिथी 27 मार्च 2026 रोजी सकाळी 10 वाजून 06 मिनिटांपर्यंत राहणार आहे. हिंदू परंपरेनुसार अनेक सण ‘उदया तिथी’नुसार साजरे केले जातात. (Ram Navami 2026)
याच कारणामुळे 2026 मध्ये राम नवमीचा उत्सव 27 मार्च 2026 रोजी साजरा करणे अधिक शुभ मानले जात आहे. या दिवशीच देशभरातील मंदिरे आणि घरोघरी भगवान Lord Rama यांचा जन्मोत्सव मोठ्या भक्तिभावाने साजरा केला जाणार आहे.
Ram Navami 2026 | मध्यान्ह मुहूर्त आणि पूजा विधी :
राम नवमीच्या दिवशी मध्यान्ह काळाला विशेष महत्त्व दिले जाते. धार्मिक मान्यतेनुसार भगवान श्रीरामांचा जन्म दुपारच्या वेळेत झाला होता. त्यामुळे या काळात पूजा करणे अत्यंत शुभ मानले जाते.
2026 मध्ये राम नवमीचा मध्यान्ह मुहूर्त सकाळी 11 वाजून 13 मिनिटांपासून ते दुपारी 1 वाजून 57 मिनिटांपर्यंत राहणार आहे. तर मध्यान्हाचा अचूक क्षण दुपारी 12 वाजून 44 मिनिटांनी मानला गेला आहे. या कालावधीत पूजा, आरती आणि मंत्रजप केल्यास विशेष पुण्य लाभते असे धार्मिक मान्यतेनुसार सांगितले जाते. (Ram Navami puja vidhi)
राम नवमीच्या दिवशी सकाळी लवकर उठून स्नान करून स्वच्छ कपडे परिधान करावेत. त्यानंतर सर्वप्रथम भगवान गणेशाचे स्मरण करावे आणि पूजेची सुरुवात करावी. घरातील स्वच्छ ठिकाणी श्रीरामांची मूर्ती किंवा प्रतिमा स्थापित करून गंगाजलाने अभिषेक करावा. त्यानंतर चंदन, अक्षता, फुले आणि वस्त्र अर्पण करून धूप-दीप लावून पूजा करावी. नैवेद्य अर्पण करून राम मंत्राचा जप किंवा रामायणाचे पठण करणेही शुभ मानले जाते. शेवटी कुटुंबाच्या सुख, शांती आणि समृद्धीसाठी प्रार्थना करावी.
