पुणेकरांनो पाणी जपून वापरा; उद्या ‘या’ भागातील पाणीपुरवठा बंद राहणार

On: September 25, 2024 1:49 PM

---Advertisement---

Pune Water Cut l प्रत्येक पुणेकरासाठी अत्यंत महत्वाची बातमी आहे. पुणे शहर परिसरातील काही भागातील पाणीपुरवठा हा उद्या (26 सप्टें) ला बंद राहणार आहे. त्यामुळे पुणेकरांना आजच पाणीसाठा साठवून ठेवावा लागणार आहे. कारण कात्रज परिसरातील केदारेश्वर पंपिंग स्टेशनमध्ये मुख्य व्हॉल्व आणि मुख्य जलवाहिनी दुरुस्तीचे काम करण्यासाठी उद्या (दि. 26) शहराच्या दक्षिण भागातील कात्रज, बालाजीनगर, आगम मंदिर व कोंढवा बुद्रुक या परिसराचा पाणीपुरवठा हा बंद (Pune Water Cut) राहणार आहे.

नागरिकांनी पाणी साठवून ठेवावे :

पुणे शहरातील मुख्य जलवाहिनी दुरुस्तीच्या कामामुळे शुक्रवारी (दि. 27) देखील सकाळी कमी दाबाने पाणीपुरवठा होणार असल्याची नोंद घ्यायची आहे. त्यामुळे नागरिकांनी आजच पाणी साठवून ठेवावे अशी माहिती पाणीपुरवठा विभागाकडून देखील देण्यात आली आहे. (Pune Water Cut)

Pune Water Cut l पाणीपुरवठा कोणत्या भागातील बंद राहणार? :

पाणीपुरवठा बंद असणारा भाग : बालाजीनगर, श्री हरी सोसायटी परिसर, कात्रज गाव, पुण्याईनगर, काशिनाथ पाटीलनगर, गुजरवाडी फाटा, वरखडेनगर, ओमकार, भूषण, गुजरवाडी रोड, उत्कर्ष, राजस या सर्व सोसायट्या व परिसर तसेच कदम प्लाझा परिसर, आगम मंदिर परिसर, संतोषनगर, अंजलीनगर, सुखसागरनगर भाग १ व भाग २, दत्तनगर, जांभूळवाडी रस्ता, मोरेबाग परिसर, चंद्रभागानगर, भारती विद्यापीठामागील परिसर, आंबेगाव रस्ता, वंडर सिटी परिसर, कात्रज-कोंढवा रस्ता संपूर्ण परिसरात पाणी पुरवठा बंद राहणार आहे.

याशिवाय शिवशंभोनगर, गोकूळनगर. अशरफनगर, ग्रीन पार्क, राजीव गांधीनगर व सुपर इंदिरानगरचा काही भाग, साईनगर, गजानननगर, काकडेवस्ती, इस्कॉन मंदिर परिसर, टिळेकरनगर, कोंढवा बुद्रुक गाव, लक्ष्मीनगर, सोमजी बसस्टॉप परिसर, खडीमशिन परिसर, बधेनगर, येवलेवाडी, पुण्यधाम आश्रम रस्ता, साई सर्व्हिस, पारगेनगर, कामठे-पाटीलनगर या परिसरात पाणी पुरवठा बंद राहणार आहे.