हिवाळ्यात डोकं नेमकं का दुखतं?, ‘या’ डोकेदुखीवर वापरा हे रामबाण उपाय

On: January 5, 2025 2:29 PM

---Advertisement---

Pune News– थंडीच्या दिवसांत गार वाऱ्यामुळे अनेकांना डोकेदुखीचा त्रास होतो. तापमानात अचानक बदल झाल्याने डोक्यापर्यंत पोहोचणाऱ्या रक्तवाहिन्या आकुंचन पावतात. त्यामुळे डोकेदुखीचा त्रास सुरू होतो, असे आयुर्वेद तज्ज्ञ सांगतात.

शरीरातील व्हिटॅमिन्सची कमतरताही कारणीभूत

डोकेदुखीमागे शरीरातील व्हिटॅमिन्सची कमतरता हे देखील एक कारण असू शकते. व्हिटॅमिन डीची कमतरता भरून काढण्यासाठी कोवळ्या उन्हात बसणे, दूध आणि केळीचे सेवन करणे उपयुक्त ठरते. हिवाळ्यात लवंग, वेलची, काळीमिरी, अश्वगंधा यांसारख्या औषधी वनस्पतींचा काढा पिणे देखील फायदेशीर ठरू शकते.

Varpe Clinic

आयुर्वेदिक उपाय योजना

आयुर्वेदानुसार थंडीच्या दिवसांत तुळस आणि आले घातलेला ब्लॅक टी पिणे लाभदायक ठरते. डोकेदुखीवर हळद घातलेले दूध पिणे हा देखील एक प्रभावी उपाय आहे. यामुळे शरीरात उष्णता निर्माण होते आणि रोगप्रतिकारशक्ती वाढते. वात-पित्तवर्धक पदार्थांचाही परिणाम डोकेदुखीवर होतो. हुलग्याचे माडगे पिणे हा डोकेदुखीवर गुणकारी उपाय आहे.

डोकेदुखीपासून बचाव कसा करावा ?

थंडीच्या दिवसांत डोकेदुखीपासून दूर राहण्यासाठी काही खबरदारी घेणे आवश्यक आहे. थंड हवेत फिरणे टाळावे, बाहेर जाताना डोके झाकून ठेवावे, गरम कपड्याने सायनस व कपाळाचा भाग झाकून ठेवावा, असा सल्ला आयुर्वेद तज्ज्ञ डॉ. सुरेश व्यवहारे यांनी दिला आहे. कोणतीही गंभीर लक्षणे दिसल्यास तातडीने डॉक्टरांना भेटून औषधोपचार करून घ्यावेत, असे आवाहनही त्यांनी केले आहे.