Jaydeep Apte | सिंधुदुर्ग जिल्ह्यातील मालवण येथील राजकोट किल्ल्यावरील छत्रपती शिवाजी महाराजांचा पूर्णाकृती पुतळा 26 ऑगस्टला कोसळला होता. याप्रकरणी स्ट्रक्चरल कन्सल्टंट चेतन पाटील आणि शिल्पकार जयदीप आपटे यांच्यावर सदोष मनुष्यवधाचा गुन्हा दाखल करण्यात आला होता. यापैकी चेतन पाटील यांना पोलिसांना अटक केली. तर, जयदीप आपटे (Jaydeep Apte )हा फरार होता.

अशात जयदीप आपटेला अटक करण्यात पोलिसांना यश मिळालं आहे. कल्याणमधून त्याच्या राहत्या घरातून त्याला अटक करण्यात आली आहे. कल्याण सिंधुदुर्ग पोलिसांनी ही कारवाई केली आहे.जयदीप आपटेला अटक केल्यानंतर आज त्याला सिंधुदुर्ग पोलिसांच्या ताब्यात देण्यात येणार आहे.

जयदीप आपटेला अटक

या प्रकरणी जयदीप आपटे यांच्या वकिलांनी धक्कादायक गौप्यस्फोट केला आहे. जयदीप आपटे अंधारात भेटायला आला आणि त्याला पोलिसांनी पकडलं ही कथा खोटी आहे.या प्रकरणात गलिच्छ राजकारण केलं जात असून काही जणांनी आपल्या राजकीय पोळ्या भाजून घेतल्या, असं जयदीप आपटे यांचे वकील गणेश सोवणे यांनी म्हटलंय.

तसेच, या प्रकरणात जे काही आरोप झाले ते कसे निराधार आहे हे तपास यंत्रणेला सांगणं आणि न्यायालयाला सामोरे जाणे हे आम्ही ठरवलेलं आहे. मालवणला गेल्यानंतर त्याला कोर्टासमोर हजर केलं जाईल. तेव्हा तिथे हजर होऊ आणि जो युक्तिवाद करायचा आहे तो केला जाईल, असंही वकील गणेश सोवणे यांनी म्हटलं आहे.(Jaydeep Apte )

पोलिसांनी जयदीपच्या शोधासाठी सात वेगवेगळी पथक तैनात केली होती. जयदीप आपटेवर गुन्हा दाखल झाला होता. घटनेनंतर पोलिसांनी जयदीपची पत्नी आणि आईची चौकशी केली होती. जयदीप इतके दिवस फरार होता. तो सापडत नसल्याने पोलिसांनी लुकआऊट नोटीसही जारी केली होती. आता जयदीप सापडल्यामुळे या प्रकरणी मोठे खुलासे होण्याची शक्यता आहे.

नेमकं प्रकरण काय?

सिंधुदुर्गात मालवण येथे राजकोट किल्ल्यावर 4 डिसेंबर 2023 ला पंतप्रधान नरेंद्र मोदी यांच्या हस्ते शिवरायांच्या पूर्णाकृती पुतळ्याचं अनावरण करण्यात आलं. पण उद्धाटनानंतर आठ महिन्यातच म्हणजेच 26 ऑगस्टरोजी महाराजांचा पुतळा कोसळला. यामुळे शिवप्रेमीमध्ये प्रचंड नाराजी आहे. यावरून सत्ताधारी आणि विरोधक भिडले आहेत. या प्रकरणी शिल्पकार जयदीप आपटे यांच्यावर सदोष मनुष्यवधाचा गुन्हा दाखल करण्यात आला होता. आता त्याला अटक करण्यात आली आहे. (Jaydeep Apte )

News Title –  Police arrest jaydeep apte in kalyan

महत्त्वाच्या बातम्या-

आज ‘या’ राशीवर बरसणार स्वामींची कृपा, दुःख-संकट दूर होणार

लाडक्या बहिणीमुळे सत्तेतल्या 3 भावांमध्येच वाद, अजित पवारांच्या ‘त्या’ करामती कारणीभूत

लाडकी बहीण नेमकी कुणाची?, अजित पवारांना मान्य नाही ‘मुख्यमंत्री’ शब्द?

शुभमन गिलचे ‘या’ अभिनेत्रीसोबतचे ते फोटो व्हायरल, लोक म्हणाले…

ऐश्वर्या राय आणि अभिषेकच्या घटस्फोटाच्या चर्चेवर मोठी अपडेट, आराध्याला अडवलं!