Yastika Acharya | राजस्थानमधील (Rajasthan) बिकानेरमध्ये (Bikaner) एका राष्ट्रीय खेळाडूचा जीममध्ये सराव करताना दुर्दैवी मृत्यू झाला. पॉवरलिफ्टिंगची (powerlifting) प्रॅक्टिस करत असताना, यष्टिका आचार्य हिने मानेवर २७० किलो वजन उचलले होते. मात्र, अचानक पकड सुटल्याने संतुलन बिघडले आणि सर्व भार मानेवर कोसळला.
मानेवर वजन कोसळल्याने मृत्यू
या अपघातात यष्टिकाची मान मोडली. तिला तातडीने रुग्णालयात नेण्यात आले, पण डॉक्टरांनी तिला मृत घोषित केले. बिकानेरमधील नत्थूसर गेटवर गणेश मंदिराजवळ असलेल्या ‘पॉवर हेडक्टर जीम’मध्ये ही घटना घडली.
यष्टिका राष्ट्रीय स्तरावरची पॉवरलिफ्टर होती. तिने मानेवर रॉड ठेऊन २७० किलो वजन उचलले होते. पण, संतुलन बिघडल्याने रॉड मानेवर पडला आणि तिचा मृत्यू झाला. जीममधील अन्य दोन खेळाडूंनी सांगितले की, यष्टिका नेहमीप्रमाणे प्रशिक्षकाच्या उपस्थितीत सराव करत होती. प्रशिक्षक तिला वेट लिफ्ट (weight lift) करण्यासाठी मदत करत होते.
कुटुंबीयांवर दुःखाचा डोंगर
काही काळापूर्वी, यष्टिकाने गोव्यात (Goa) आयोजित ३३ व्या नॅशनल बेंच प्रेस चॅम्पियनशिपमध्ये (National Bench Press Championship) इक्विप्ड कॅटेगरीमध्ये (equipped category) सुवर्णपदक जिंकले होते, तर क्लासिक कॅटेगरीत (classic category) रौप्यपदक मिळवले होते. यष्टिकाचे वडील ऐश्वर्य आचार्य (Aishwarya Acharya) कंत्राटदार आहेत. यष्टिकाच्या मृत्यूमुळे कुटुंबावर दुःखाचा डोंगर कोसळला आहे.
पोलिसांनी (Police) सांगितले की, या प्रकरणात कुटुंबियांनी अद्याप कोणतीही तक्रार दाखल केलेली नाही, त्यामुळे एफआयआर (FIR) नोंदवण्यात आलेला नाही. पोलिसांनी मृतदेह शवविच्छेदनासाठी पाठवून, नंतर कुटुंबियांकडे सोपवला. या प्रकरणाचा तपास सुरू आहे.
Powerlifter Yashtika Acharya, 17, died after a 270-kg rod fell on her neck during training in Bikaner, Rajasthan
Acharya, a Junior National Games gold medalist, was rushed to a hospital and declared dead, while her trainer sustained minor injuries.
Her family filed no… pic.twitter.com/cWPl4lNEnx
— Ashwini Roopesh (@AshwiniRoopesh) February 20, 2025
Title : National Player Yastika Acharya Dies Tragically During Gym Practice
