Manoj Jarange Patil | मराठा समाजाचे आंदोलक आणि उपोषणकर्ते मनोज जरांगे यांनी 13 जुलैपर्यंत सरकारकडे मराठा आरक्षणासाठी पाऊल उचलावं अशी मागणी केली. मात्र सरकारने याकडे कोणतंही लक्ष दिलं नाही. यामुळे आता मनोज जरांगे (Manoj Jarange Patil) हे पुन्हा एकदा उपोषणाला बसणार आहेत. अशातच आता मनोज जरांगे पाटील (Manoj Jarange Patil) यांनी ओबीसी नेते छगन भुजबळ यांना टार्गेट केलं आहे.
ओबीसी नेते छगन भुजबळ यांच्यावर मनोज जरांगेंची जहरी टीका
ओबीसी नेते छगन भुजबळ यांच्यावर मनोज जरांगेंनी (Manoj Jarange Patil) जहरी टीका केली आहे. लक्ष्मण हाके हे आमचे विरोधक नाहीत, पण त्यांना भुजबळ हुसकवण्यास सांगत आहे अशा शब्दात मनोज जरांगे पाटील (Manoj Jarange Patil) यांनी भुजबळांवर टीका केली. आम्ही ज्या दिवशी त्यांना विरोधक मानू त्यादिवशी त्यांच्यावर प्रतिक्रिया देऊ असंही मनोज जरांगे म्हणाले आहेत.
तसेच आता मनोज जरांगे पाटील यांनी भाजप नेत्या पंकजा मुंडेंवर देखील वक्तव्य केलं आहे. ते म्हणाले की, पंकजा मुंडे यांना लोकसभा निवडणुकीमध्ये पाडा, असं मी कुठेही म्हटलं नव्हतं. मी कोणाचंही नाव घेतलं नाही. जर मी नाव घेतलं असतं तर मतपेटीत काहीच राहिलं नसतं, असं म्हणत मनोज जरांगे पाटील यांनी पंकजा मुंडे यांना टार्गेट केलं.
“किती दिवस दलित मुलांनी काम करायचं?”
त्यानंतर ते पुढे म्हणाले की, मिस्त्री मुस्लिम असतो, त्याच्या टोपल्या उचलायला मराठ्याचा पोरगा असतो. किती दिवस त्यांनी असा अन्याय सहन करावा? किती दिवस दलित मुलांनी काम करायचं?, तसेच आरक्षण असूनही बंजारा समाज त्याचा फायदा घेत नाही, याचा विचार बंजारा समाजाने करण्याची गरज असल्याचं ते म्हणाले आहेत.
दरम्यान, एमआयएमचे खासदार असदुद्दीन ओवैसी यांनी मनोज जरांगे यांचा प्रस्ताव आल्यास चर्चेस तयार असल्याची प्रतिक्रिया दिली. मात्र मला प्रस्ताव काय आहे हे माहिती नाही, असं मनोज जरांगे म्हणाले आहेत.
