शहाजीबापू रुग्णालयात तर गणपत गायकवाड जेलमध्ये; महायुतीचं मतांचं गणित बिघडणार?

On: July 12, 2024 11:29 AM

---Advertisement---

Maharashtra Vidhan Parishad Voting | महाराष्ट्राच्या विधान परिषदेच्या 11 जागांसाठी आज (12 जुलै) मतदान होणार आहे. 11 जागांसाठी 12 उमेदवार रिंगणात असल्यानं एका एका आमदाराचं मत महत्वपूर्ण असणार आहे. अशात महायुतीसाठी एक चिंतेची माहिती समोर आली (Maharashtra Vidhan Parishad Voting)आहे.

पोलीस स्टेशनमध्ये गोळीबार केल्या प्रकरणी भाजप आमदार गणपत गायकवाड (Ganpat Gaikwad) सध्या तुरुंगात आहेत. कॉँग्रेसने गणपत गायकवाड यांना मतदानापासून रोखावं, असं पत्र निवडणूक अधिकाऱ्यांना लिहिलं आहे. दुसरीकडे शिवसेनेचे सांगोल्याचे आमदार शहाजीबापू पाटील (Shahajibapu Patil) रुग्णालयात आहेत.

गणपत गायकवाड यांच्या मतदानावर काँग्रेसचा आक्षेप

शहाजीबापू पाटील हे आजारी असून त्यांच्यावर रुग्णालयात उपचार सुरू आहेत. त्यामुळे आज ते मतदान करायला येणार की नाही?, याबाबत प्रश्नचिन्ह आहेत. मविआ नेत्यांनी जो न्याय अनिल देशमुख आणि नवाब मलिक यांना लावण्यात आला त्या प्रमाणं भाजप आमदार गणपत गायकवाड यांनाही यावेळी मतदान करु देऊ नका, अशी मागणी केली आहे. त्यामुळे महायुतीची चिंता वाढली आहे.

दरम्यान, राज्याच्या विधानसभेत (Maharashtra Vidhan Parishad Voting)सध्या 274 आमदार असून विधानसभेतील आमदारांमधून विधानपरिषदेवर 11 आमदार निवडून द्यायचे आहेत. या निवडणुकीत विजयी उमेदवाराचा कोटा 23 इतका निश्चित करण्यात आलाय. आता शहाजीबापू हे मतदानाला येणार का?, गणपत गायकवाड यांना मतदान करू दिले जाईल का?, याबाबत सर्वांच्या नजरा लागून असतील.

विधानपरिषद निवडणुकीतील उमेदवार

भाजप : पंकजा मुंडे, योगेश टिळेकर, अमित गोरखे, परिणय फुके, सदाभाऊ खोत
शिवसेना : भावना गवळी, कृपाल तुमाणे
राष्ट्रवादी काँग्रेस : शिवाजीराव गर्जे, राजेश विटेकर
काँग्रेस : प्रज्ञा सातव
राष्ट्रवादी काँग्रेस शरद पवार पुरस्कृत : जयंत पाटील
शिवसेना उद्धव बाळासाहेब ठाकरे : मिलिंद नार्वेकर (Maharashtra Vidhan Parishad Voting)