SSC & HSC Result 2026 | महाराष्ट्रातील विद्यार्थ्यांसाठी अत्यंत महत्त्वाची बातमी समोर आली आहे. महाराष्ट्र राज्य माध्यमिक व उच्च माध्यमिक शिक्षण मंडळ (MSBSHSE) कडून घेण्यात आलेल्या 10वी आणि 12वीच्या परीक्षांचे निकाल लवकरच जाहीर होणार असल्याची माहिती मिळत आहे. वर्षभराच्या मेहनतीनंतर आता विद्यार्थ्यांना निकालाची उत्सुकता लागली असून एप्रिल-मे महिना निर्णायक ठरणार आहे. (SSC Result 2026)
फेब्रुवारी-मार्च 2026 दरम्यान पार पडलेल्या या परीक्षांमध्ये राज्यभरातील लाखो विद्यार्थी सहभागी झाले होते. परीक्षा संपल्यानंतर आता उत्तरपत्रिका तपासणी आणि गुणसंकलनाची प्रक्रिया अंतिम टप्प्यात पोहोचली आहे. त्यामुळे निकाल जाहीर होण्यास फार विलंब होणार नाही, असे संकेत मिळत आहेत.
बारावीचा निकाल कधी लागणार?:
इयत्ता बारावीची परीक्षा 10 फेब्रुवारी ते 18 मार्च 2026 या कालावधीत घेण्यात आली होती. सध्या उत्तरपत्रिकांची तपासणी जवळपास पूर्ण झाली असून गुणांची नोंदणी आणि रिपोर्टिंगचे काम वेगाने सुरू आहे. मिळालेल्या माहितीनुसार, एप्रिल 2026 च्या अखेरीस बारावीचा निकाल जाहीर होण्याची दाट शक्यता आहे. (SSC & HSC Result 2026)
सुमारे 14 लाखांहून अधिक विद्यार्थ्यांनी दिलेल्या या परीक्षेचा निकाल जाहीर करण्यासाठी मंडळ अंतिम तयारीत आहे. त्यामुळे कोणत्याही क्षणी अधिकृत तारीख जाहीर होऊ शकते.
SSC & HSC Result 2026 | दहावीचा निकाल कधी लागणार?:
इयत्ता दहावीची परीक्षा 20 फेब्रुवारी ते 18 मार्च 2026 दरम्यान पार पडली होती. या परीक्षेच्या उत्तरपत्रिकांची तपासणी देखील वेगाने सुरू असून बहुतेक काम पूर्ण झाले आहे. उर्वरित प्रक्रिया काही दिवसांत पूर्ण होण्याची शक्यता आहे. (Maharashtra Board Result)
त्यामुळे मे 2026 च्या पहिल्या आठवड्यात दहावीचा निकाल जाहीर होण्याची शक्यता वर्तवली जात आहे. त्यामुळे एप्रिल अखेर ते मेच्या सुरुवातीपर्यंतचा कालावधी विद्यार्थ्यांसाठी अत्यंत महत्त्वाचा असणार आहे.
निकाल कुठे पाहता येईल? :
mahresult.nic.in
hscresult.mkcl.org
hscresult.mahahsscboard.in
निकाल पाहण्यासाठी विद्यार्थ्यांना आपला सीट नंबर आणि आईचे नाव/जन्मतारीख आवश्यक असेल.
