IPL 2025 | आयपीएल 2025 च्या 18 व्या मोसमात आजचा चौथा सामना दिल्ली कॅपिटल्स आणि लखनौ सुपर जायंट्स यांच्यात रंगणार आहे. दोन्ही संघ नव्या कर्णधारांसह मैदानात उतरणार असून, हा त्यांचा पहिला सामना असणार आहे. हा सामना कधी आणि कुठे बघता येईल, ते पाहुयात. (IPL 2025)
आज, सोमवार 24 मार्च 2025 रोजी दिल्ली कॅपिटल्स (Delhi Capitals) आणि लखनौ सुपर जायंट्स (Lucknow Super Giants) यांच्यात आयपीएल 2025 चा पहिला सामना खेळवला जाणार आहे. हा सामना आंध्र प्रदेशातील विशाखापट्टणम येथील डॉ. वायएस राजशेखर रेड्डी एसीए-व्हीडीसीए स्टेडियममध्ये होणार आहे. संध्याकाळी 7.30 वाजता सामना सुरू होईल आणि 7 वाजता टॉस पार पडेल.
दोन्ही संघ नव्या कर्णधारांसह खेळत आहेत. दिल्लीची धुरा यंदा अक्षर पटेलकडे देण्यात आली असून, लखनौचा नेतृत्वभार ऋषभ पंतकडे आहे. त्यामुळे दोन्ही संघांसाठी हा मोसम कसा सुरू होतो याकडे चाहत्यांचं विशेष लक्ष लागलेलं आहे.
कुठे पाहाल सामना लाईव्ह?
दिल्ली विरुद्ध लखनौ सामन्याचं थेट प्रक्षेपण स्टार स्पोर्ट्स नेटवर्कच्या चॅनेल्सवर करण्यात येणार आहे. तसेच, मोबाईल आणि ऑनलाइन प्रेक्षकांसाठी सामना जिओ-हॉटस्टार अॅपवर लाईव्ह पाहता येणार आहे.
लखनौ सुपर जायंट्स संघ:
ऋषभ पंत (कर्णधार/विकेटकीपर), मिचेल मार्श, निकोलस पूरन, डेव्हिड मिलर, आयुष बडोनी, अर्शीन कुलकर्णी, शार्दुल ठाकूर, रवी बिश्नोई, शमर जोसेफ, शाहबाज अहमद, आकाश दीप, आरएस हंगरगेकर, एडन मार्कराम, आवेश खान, युवराज चौधरी, मणिमरन सिद्धार्थ, मॅथ्यू ब्रेट्झके, मयंक यादव, दिग्वेश राठी आणि इतर. (IPL 2025)
दिल्ली कॅपिटल्स संघ:
अक्षर पटेल (कर्णधार), जेक फ्रेझर-मॅकगर्क, फाफ डू प्लेसिस, केएल राहुल (विकेटकीपर), ट्रिस्टन स्टब्स, अभिषेक पोरेल, मिचेल स्टार्क, कुलदीप यादव, मुकेश कुमार, टी नटराजन, मोहित शर्मा, करुण नायर, दुष्मंथा चमीरा, समीर रिझवी, डोनोवन फरेरा, दर्शन नळकांडे, अजय जाधव मंडल, आणि इतर.
Title : IPL 2025 DC vs LSG Match Today Live Details
