India vs South Africa | टी20 विश्वचषक 2026 मधील स्पर्धा आता निर्णायक टप्प्यात पोहोचली असून सुपर-8 फेरीत प्रत्येक सामना अत्यंत महत्त्वाचा ठरणार आहे. सलग विजयांसह आत्मविश्वासात असलेली टीम इंडिया (Team India) आता बलाढ्य दक्षिण आफ्रिकेविरुद्ध मैदानात उतरणार आहे. अहमदाबादमध्ये रंगणारी ही लढत सेमीफायनलकडे जाणाऱ्या मार्गासाठी अत्यंत निर्णायक मानली जात आहे. (India vs South Africa Match)
२२ फेब्रुवारीला अहमदाबादमध्ये हाय-व्होल्टेज सामना :
गट टप्प्यात प्रभावी कामगिरी करत टीम इंडियाने सुपर-8 मध्ये प्रवेश केला. आक्रमक फलंदाजी, अचूक गोलंदाजी आणि चपळ क्षेत्ररक्षणाच्या जोरावर भारतीय संघाने प्रतिस्पर्ध्यांवर वर्चस्व राखले. कर्णधार सूर्यकुमार यादव यांच्या नेतृत्वाखाली संघाने सातत्यपूर्ण विजय मिळवत पुढील फेरी गाठली. मात्र सुपर-8 ही खरी कसोटी मानली जाते, कारण येथे प्रत्येक चूक संघासाठी महागात पडू शकते. (India vs South Africa)
भारताचा सुपर-8 मधील पहिला सामना २२ फेब्रुवारी रोजी अहमदाबादच्या नरेंद्र मोदी स्टेडियम येथे होणार आहे. याच मैदानावर भारताने गट टप्प्यातील शेवटचा सामना खेळला होता, त्यामुळे स्थानिक परिस्थितीची ओळख आणि प्रेक्षकांचा पाठिंबा भारतीय संघासाठी फायदेशीर ठरू शकतो. दुसरीकडे, दक्षिण आफ्रिकेनेही गट टप्प्यात एकही सामना न गमावता दमदार प्रवेश केला आहे. कर्णधार एडन मार्कराम यांच्या नेतृत्वाखाली त्यांचा संघ संतुलित आणि आक्रमक खेळ करत आहे.
India vs South Africa | हेड-टू-हेड आणि संभाव्य संघरचना :
टी20 आंतरराष्ट्रीय क्रिकेटमधील आकडेवारी पाहता भारताचे पारडे जड राहिले आहे. दोन्ही संघांमध्ये आतापर्यंत 35 सामने झाले असून त्यापैकी 21 सामने भारताने जिंकले, तर दक्षिण आफ्रिकेला 13 विजय मिळाले; एक सामना अनिर्णित राहिला.
तसेच टी20 विश्वचषकातील सात लढतींपैकी पाच वेळा भारत विजयी झाला आहे, तर दोन वेळा दक्षिण आफ्रिकेने बाजी मारली आहे. मात्र नॉकआउटसदृश सामन्यांमध्ये दबाव कोण चांगल्या प्रकारे झेलतो, हेच खरे महत्त्वाचे ठरणार आहे.
