Monsoon Update | देशभरात मान्सून पुन्हा सक्रिय झाल्याने अनेक राज्यांमध्ये मुसळधार ते अतिमुसळधार पावसाची शक्यता निर्माण झाली आहे. इस्रोच्या (ISRO) उपग्रहातून समोर आलेल्या छायाचित्रांनंतर भारतीय हवामान विभागाने (India Meteorological Department – IMD) अनेक भागांसाठी सतर्कतेचा इशारा दिला आहे. महाराष्ट्रासह विविध राज्यांमध्ये पुढील काही दिवस पावसाचा जोर वाढण्याचा अंदाज व्यक्त करण्यात आला आहे.
INSAT-3DR उपग्रहातून समोर आले मोठे संकेत :
इस्रोच्या INSAT-3DR उपग्रहाने टिपलेल्या नव्या छायाचित्रांमध्ये भारतातील सुमारे 60 ते 70 टक्के भूभाग दाट मान्सूनच्या ढगांनी व्यापलेला दिसत आहे. या निरीक्षणानंतर भारतीय हवामान विभागाने देशातील अनेक भागांमध्ये मुसळधार ते अतिमुसळधार पावसाची शक्यता वर्तवली आहे. जम्मू आणि काश्मीरपासून (Jammu and Kashmir) गंगा (Ganga) नदीच्या मैदानांपर्यंत ढगांचे मोठे आवरण पसरले असून बिहार (Bihar), पश्चिम बंगाल (West Bengal) आणि पूर्वोत्तर राज्यांमध्येही मान्सून अधिक सक्रिय झाल्याचे दिसून येत आहे.
हवामान विभागाच्या अंदाजानुसार पुढील दोन ते तीन दिवसांत देशाच्या जवळपास दोन तृतियांश भागात जोरदार पावसाची शक्यता आहे. विशेषतः पंजाब (Punjab), उत्तर प्रदेश (Uttar Pradesh) आणि बिहारमध्ये अतिवृष्टी होण्याचा अंदाज व्यक्त करण्यात आला आहे. सध्याच्या परिस्थितीवर हवामान विभागाकडून सातत्याने लक्ष ठेवले जात असून आवश्यक त्या ठिकाणी सतर्कतेचे इशारे जारी करण्यात येत आहेत.
Monsoon Update | महाराष्ट्रातील 23 जिल्ह्यांना सतर्कतेचा इशारा :
हवामान तज्ज्ञांच्या मते, गेल्या काही वर्षांत हवामानाच्या स्वरूपात मोठे बदल होत आहेत. काही ठिकाणी अल्पावधीत अतिमुसळधार पाऊस पडत आहे, तर काही भागांत दुष्काळासारखी परिस्थिती निर्माण होत आहे. त्यामुळे बदलत्या हवामानाच्या पार्श्वभूमीवर नागरिकांनी हवामान विभागाच्या सूचना आणि इशाऱ्यांचे पालन करावे, असे आवाहन करण्यात आले आहे.
महाराष्ट्रातही मान्सूनने पुन्हा जोर पकडला असून भारतीय हवामान विभागाने राज्यातील 23 जिल्ह्यांसाठी मुसळधार पावसाचा इशारा जारी केला आहे. मध्य महाराष्ट्र, कोकण आणि मराठवाडा या भागांमध्ये पावसाची तीव्रता वाढण्याची शक्यता आहे. पुणे (Pune), नाशिक (Nashik), परभणी (Parbhani), जालना (Jalna), बीड (Beed), नांदेड, हिंगोली (Hingoli), सोलापूर, लातूर, अमरावती (Amravati), गडचिरोली (Gadchiroli), धाराशिव (Dharashiv), बुलढाणा (Buldhana), चंद्रपूर (Chandrapur) आणि नागपूर (Nagpur) यांसह अनेक जिल्ह्यांना यलो अलर्ट जारी करण्यात आला आहे.
